Home Gobierno Awe lo trata den Parlamento e fondonan TPEF

Awe lo trata den Parlamento e fondonan TPEF

63
0
SHARE
- Advertisement -

Minister Dangui Oduber:

ORANJESTAD (AAN) – Den conferencia di prensa di gobierno, Minister di Turismo, Salud y Deporte, Dangui Oduber a toca e tema di Presupuesto di e fondo yama “Tourist Product Enhancement Fund” (TPEF), cu si tur cos bay bon lo wordo trata awe, diahuebs 16 di Augustus, den Parlamento.

E dignatario a menciona cu tur e fondonan aki a wordo destina pa proyectonan di embeyecimento pa e producto Aruba, y di esnan cu ta inclui den e presupuesto aki ta un “boardwalk” for di hotel Ritz Carlton te Malmok.

Minister Oduber a splica cu henter e strip ey ta wordo hopi uza pa hende local y turista, como tambe ciclistanan. Pero e no ta duna e seguridad necesario pa tur e usuarionan, y awor a coloca fondonan necesario pa drecha e area aki y hacie mas sigur pa peaton y ciclistanan.

E area aki lo wordo haci hopi bunita, y e lo tuma lugar den dos fase. A presupuesta placa pa esaki den presupuestonan 2018 y 2019 specialmente pa dicho proyecto. Lo termina tambe e proyecto di iluminacion pa e varios poste di luz cu tin entre Arashi cu El Faro blanco, cu no tin luz aworaki y hopi turista ta bay eytras anochi.

Tur esaki, e mandatario a reitera, lo wordo desaroya cu e fondonan di TPEF y cu awe e lo wordo trata den Parlamento. Tambe pa 2019 tin varios proyecto pa cumpli cu e vision di eleva e calidad di nos turismo, upgrade e producto Aruba pasobra aworaki e turista ta busca valor pa su placa y pa cada dollar cu e ta inverti den nos Isla. Pa atrae turismo di calidad ta esencial inverti pa presenta un producto Aruba di calidad.

- Advertisement -

DUNA COMENTARIO

Please enter your comment!
Please enter your name here