Home Gobierno Awe ta inaugura congreso tocante abuso di mucha y violencia

Awe ta inaugura congreso tocante abuso di mucha y violencia

133
0
SHARE
- Advertisement -

Minister Lampe: Mester uni forza pa stop tur abuso di mucha

ORANJESTAD  (AAN):  Diaranzon atardi tabata tin un conferencia di prensa riba e topico “Abuso Sexual y Violencia”. Minister di Educacion, Ciencia y Desaroyo Sostenible a hiba palabra pa elabora riba e congreso internacional cu lo tuma lugar diahuebs awor 23 di Augustus te diasabra 25 na Hilton Hotel.

A acompaña Minister Lampe Professor emerito Robert Winter di North Caroline University y Drs. Bas Tierolf. E congreso tin como nomber “Child Abuse & Violence: Psycho Social, Emotional and Cognitive Approaches” unda Ministerio di Enseñanza ta co-participe y unda e organizador principal ta Drs. Melva Croes-Yanez, psicologo di Aruba.

E conferencia aki ta bay ta den memoria di e dos muchanan cu a perde nan bida tragicamente aña pasa. Dos mucha victima di violencia den nos comunidad. Pa habri e wowo di comunidad riba e tema di abuso di mucha cual ta un tema sumamente grave den nos sociedad.

Te dia di awe esaki ta sigui ta un topico polemico den nos comunidad. Minister Lampe a laga sa cu su ministerio si ta tuma na serio e tema di abuso di mucha. “Cualkier mucha cu wordo abusa sea fisicamente, sea psicologicamente, sea sexualmente ta un abuso di mas y nos mester uni forza pa stop tur abuso di mucha”, e mandatario a expresa.

Segun Lampe, despues cu e sucedido aki a tuma lugar, el a haci un promesa cu mester train e profesionalnan, duna nan e instrumentonan necesario pa por detecta y preveni mas tempran un posible victima di violencia y abuso.

Ta pesey a organiza e congreso aki y pa esaki a invita expertonan di afo cu ta bay duna training na e profesionalnan na Aruba.

A invita profesionalnan den cuido na scolnan den e sistema di enseñanza di Aruba, riba tereno social pa atende e seminario aki cu ta cuminza awe diahuebs.

Lo conta cu representantenan di UNICEF kendenan conhuntamente cu Minister Lampe lo inaugura e congreso aki.

 

- Advertisement -

DUNA COMENTARIO

Please enter your comment!
Please enter your name here