Home Gobierno Awe ta ultimo dia pa entrega formulario di peticion pa Condecoracion Real

Awe ta ultimo dia pa entrega formulario di peticion pa Condecoracion Real

9
0
SHARE
- Advertisement -

ORANJESTAD (AAN) – Den conferencia di prensa di gobierno, Diahuebs mainta, Minister Presidente sra. Evelyn Wever-Croes, a elabora riba e tema di Condecoracion Real.

E mandatario a trece dilanti cu ta usual cu riba Dia di Hacimento di Aña di e Rey, dia 27 di April, Condecoracion Real ta wordo otorga door di Gobernador.

E mandatario a menciona cu ta importante pa e ciudadano sa cu e tambe por forma parti di esaki. Esun cu conoce un hende cu a destaca den comunidad, e tambe por propone e persona ey ainda pa e bin na remarca pa un condecoracion.

E persona cu por bin na remarca ta esun cu a dedica 15 aña of mas di su bida na trabaonan boluntario, haciendo esaki di curazon sin cu e wordo paga pe.

Tambe personanan cu di un of otro forma a contribui grandemente na e desaroyo di nos pais.

Un hende no por pidi pa su mes pero un otro hende tin cu propone e persona. Tin formularionan cu tin cu yena cu ainda ta disponible, y awe 17 di Augustus ta e ultimo fecha pa entrega esakinan. Por haya e formulario na Bestuurskantoor y ainda gobierno por pone spot line riba nan.

- Advertisement -

DUNA COMENTARIO

Please enter your comment!
Please enter your name here