Home Impuesto Awor Aruba a haya servicio di HUBA pa yuda yena Aangiftebiljet

Awor Aruba a haya servicio di HUBA pa yuda yena Aangiftebiljet

53
0
SHARE
- Advertisement -

ORANJESTAD(AAN): Departamento di Impuesto (DIMP) lo bay bin cu un servicio nobo na comunidad. E yama HUBA.

Segun Meverly Romano, vocero di DIMP, a splica cu ta organizando un campaña interno cual yama Hulp Bij Aangifte. Ta organis’e tur aña pa yuda clientenan cu a ricibi un aangifte biljet di Inkomstenbelasting.

Pero esaki ta un formulario hopi amplio. Hopi biaha e clientenan tin poco dificultad pa yen’e. E campaña aki ta specialmente pa por yuda clientenan cu tin dificultad pa yen’e, pa asina nan por cumpli cun’e.

Esaki ta un declaracion di inkomstenbelasting, cual ta un declaracion sumamente importante, unda cu e clientenan tin cu declara kico tabata e entrada cu nan a ricibi durante e aña cu a pasa, cual ta 2017.

Nan ta declara nan entradanan, y alavez por medio di e declaracion aki, nan ta haci uso di nan derecho pa deduci e gastonan cu nan tabata tin aña pasa. Ta e unico forma cu nan por deduci nan gastonan, ta door di yena e declaracion aki. Despues nan ta firm’e y ta entreg’e.

E ta un declaracion sumamente importante.  Ta haya hopi biaha e pregunta cu clientenan ta puntra, pakico tin cu yen’e. Si ta un hende cu tin un salario, e ta bisa cu e doño di trabao a manda tur e datonan di e salario, pakico tin cu yen’e. Berdad un hende cu tin un salario y e no tin ningun gasto pa deduci, e ora ta conseh’e cu no ta necesario pa e bin pidi un aangifte di inkomstenbelasting.

Pasobra e tarifa di Loonbelasting, ta igual cu e tarifa di Inkomstenbelasting. Ta e mesun tarifa ta worde aplica. Den un caso asina ta bira e ora e loonbelasting ta bira eindheffing. No ta bay molestia e persona pa registra un inkomstenbelasting y dun’e un formulario.

Pero unavez cu DIMP registra un persona, sea pasobra a haya sa cu por ta e tin mas cu un entrada of e tin un negoshi of e mes a bin pidi, pasobra e tin gastonan cu e kier deduci, e ora ta registra e persona. Den un caso asina si, e tin e deber di entrega e formulario aki tur aña.

 

- Advertisement -

DUNA COMENTARIO

Please enter your comment!
Please enter your name here