Barco multi-uso “North Ocean 105” a drenta waf y hala atencion di tur hende

    437
    0
    SHARE
    - Advertisement -

    ORANJESTAD (AAN): Rond mundo tin un cantidad di plataforma, tanquero y demas barconan specializa, cu aparatonan sofistica y fuerte abordo, cu ta worde usa pa delaster un cos. Sea pa haci sondeo sismico, of bora poz di petroleo, etc.

    Tur loke tin zuidwest di Aruba, ta ancra na casi 8 miya  for di costa di e isla.  Djis nan ‘parking’ eynan ta genera masha hopi Dollar na pais Aruba.  Sin conta e transportacion di lama pa tera y vise versa di sea alimentacion, tripulantenan cu mester baha na tera pa nan viaha pa nan pais natal y otro cu ta yega fore di exterior pa   aborda abordo di sea e plataforma tin cu ta aborda barconan.

    Riba Diamars, un barconan specializa y di multiuso a drenta Waf di Oranjestad.  El a haci esaki djis pa tuma combustible, y na mesun momento tripulantenan ta probecha bay na tera pa haci nan diligencia.  E barge “Zeta 1” cu ta duna servicio pa e compania Curoil (Aruba) Freezone NV, a bay duna servicio di bunkering pa yena e barco cu combustible.

    Ta trata aki di e barco “North Ocean 105”, cu por pone diferente tipo di equipo riba dje.  E biaha aki, e tin un equipo special instala abordo cu ta yude instala materialnan na profundidad di lama.  E por wordo usa pa draga tambe, esta pa coba y haci fondonan di e.o. waf y riunan mas hundo.  E ta pertence na e compania McDermott.

    LV North Ocean 105 ta nabega bao di bandera di Malta, y tin un largura di 145 meter, hanchura di 30 meter.  E barco a wordo fabrica na 2012.

    E barco a yega Aruba procedente di Gulfport, Mississippi na Merca.  E ta un offshore support ship cu ta multiuso, pues ta depende kico bo instala riba dje.  Tin biaha ta instala spooler y mas guia pa instala waya submarino, y tambe ta usa equipo pa e pone tubo y pipa di gas bao awa.   E tin un helicopter landing-pad tambe.

    - Advertisement -

    DUNA COMENTARIO

    Please enter your comment!
    Please enter your name here