Home Comentario Basa riba ley y privacidad garantisa?

Basa riba ley y privacidad garantisa?

10
0
SHARE
- Advertisement -

Remitido:

Ora lesa di e app. cu AZV ta bay usa, e prome pregunta cu clientenan mester haci ta : con AZV ta garantisa nan privacidad ora e clientenan duna nan opinión  pa medio di e app. y AZV entrega keho cerca e dokter di cas

1.Si AZV tin den e contracto cu dokternan di cas normanan poni tocante “area di recepción” , “faclidad (edificio)” y “aparatonan tecnico cu mester ta presente” definitivamente ta AZV mes mester manda controleur bay controla y no usa cliente di AZV pa e cosnan ey. No por laga e  evaluacion di e partinan tecnico aki pa cada cliente huzga, pasobra un cliente no sa di e exigencianan cu AZV tin den e contracto cu dokternan di cas y cada cliente ta usa su propio norma.

2.AZV por acerca y keha (legalmente) un dokter di cas a base di info di e app. sin cu AZV divulga nomber di cliente of clientenan?

3.Un cliente por keha AZV (na unda?) pa divulga su nomber  ora AZV entrega  keho contra un dokter di cas?

Minister di Husticia: e forma cu AZV ke usa clientenan pa evalua trabao na practica di dokter di cas tin un base legal cu ta permiti AZV yega na keho legal contra un dokter di cas? Privacidad di clientenan di AZV ta suficientemente garantisa na AZV según ley ? AZV no ta haciendo nada contra ley?

Gobierno: Conseho di Minister a/ta aproba e forma cu AZV ke usa clientenan via un app. pa yega na keho contra  practica di un dokter di cas?

Parlamentarionan : haci boso trabao di control.

Clientenan di AZV : boso ta haya husto pa AZV usa boso como “spion traidor” di un persona di confiansa di boso? No ta miho simplemente pidi AZV cambia bo  dokter di cas ora bo no ta satisfecho cu e trato y laga AZV carga su responsabilidad of saca su conclusion?

AZV : simplemente pa complace Minister of otro “poder” bo ta acepta un app. y carga e responsabilidad pa garantisa privacidad di bo clientenan? E procedura ta cuadra cu ley di privacidad y cu bo contracto di trabao cu dokternan di cas?

Yamada : boicotia e uso di e app tanten Gobierno/Minister di Husticia/AZV  no duna un bon splicacion si e procedura ta permitibel según ley y cu AZV , según ley,por garantisa privacidad di e clientenan di AZV.

Nada contra e parti técnico di e app. Kizas por a usele pa algo menos delicado.

 

“Pa pensa ariba sin miedo”

- Advertisement -

DUNA COMENTARIO

Please enter your comment!
Please enter your name here