Home Policial Basta daño material durante accidente na Santa Cruz

Basta daño material durante accidente na Santa Cruz

105
0
SHARE
- Advertisement -

ORANJESTAD  (AAN):  Diahuebs anochi algun minuut prome cu 9’or a sosode un accidente na altura di e cruzada di Mundo Nobo na Santa Cruz.

Un Ford Ecosport bayendo direccion di Kibaima pa un motibo of otro a cuminsa hala na su man robez. Algun automobilista a logra desvia y hala pe pero un chauffeur den un Toyota Corolla di direccion contrario no tabata tin e suerte ey y e Ecosport a dal den su banda y a sigui lastra algun meter bai ariba.

E Corolla tambe a bira ful rond y termina mey mey di caminda. Na prome instante tabata papia di heridonan.

Ambulance a yega pero a resulta cu e heridonan lo tabata  minimo. Daño material si tabata bastante y ningun vehiculo por a move riba nan propio forza pa cual a solicita takelwagen pa hala nan for di caminda.

 

- Advertisement -

DUNA COMENTARIO

Please enter your comment!
Please enter your name here