Home Parlamento Bestuur di Lotto pa Deporte a coopera cu corupcion di Di Stefano...

Bestuur di Lotto pa Deporte a coopera cu corupcion di Di Stefano Wernet

72
0
SHARE
- Advertisement -

Segun Endy Croes,

ORANJESTAD(AAN): Dialuna durante e conferencia di prensa di tur siman di fraccion di MEP, parlamentario Endy Croes a papia riba funcionamento di e bestuur di Lotto pa Deporte (FLPD).

El a splica cu ta normal cu un bestuur ta sinta 2 periodo di 4 aña, pero den e caso aki ora cu e dos periodonan aki a pasa, despues di eleccion a bay Notario y cu ayudo di profesor Frank Kunneman, a hasi strategianan den nan statutonan, pa permiti e grupo aki pa keda mas periodo den e bestuur.

“Mi kier pa abo pueblo saca bo conclusion”.

Esaki segun Croes kende a presenta un documento cu ta mustra varios pago extra cu e director actual di Lotto Di Stefano Wernet a ricibi, siendo cu ya caba e ta cobra 15.000 florin pa luna como director di FLPD.

Segun e parlamentario, Wernet a cobra un total di 275 mil florin pa trabaonan di accountant.

Croes a indica cu esaki no ta husto, mirando cu deporte ta sufriendo y no ta haya placa di ayudo.

E parlamentario di MEP a menciona nomber di esnan den e bestuur, cu segun e ta coopera cu e corupcion di Wernet.

“Tur e miembronan tabata na altura di e accionnan di Wernet y pesey mi ta menciona nan nomber, Silvio Janga amigo di Mike de Meza, Benvinda de Sousa casa di ex parlamentario Desiree Croes, Antonio Kamperveen man drechi di Mike Eman, Flavio Faneite chef na Elmar y Eli Kock”.

Esaki segun Croes, kende a indica cu banda di esaki Wernet recientemente a lanta 600.000 florin pa paga na Kunneman.

“Deporte ta na nos curazon y mi ta haya hopi duele ora cu mi topa hendenan di deporte cu tin mester di ayudo y Lotto no ta hasi nada”.

Esaki segun Croes kende a indica cu diferente veld di baseball y softball falta luz, bombiyo of otro trabaonan di mantencion, pero nan no ta haya nada for di FLPD.

- Advertisement -

DUNA COMENTARIO

Please enter your comment!
Please enter your name here