Home Gobierno Cada studiante rumbo pa Hulanda ta hayando un fecha y ora pa...

Cada studiante rumbo pa Hulanda ta hayando un fecha y ora pa nan schrijf-uit na Censo

32
0
SHARE
- Advertisement -

Awe Diaranzon

ORANJESTAD (AAN): Señora Sharin Luydens, directora di Censo ta elabora tocante e studiantenan cu mester pasa awe Diaranson 1 di Augustus.

Señora Luydens ta splica cu a manda e emailnan p’e studiantenan cu nan horario, fecha y luga cu nan mester bay pa schrijf uit.

Esaki lo ta na Oficina Principal di Censo Schoolstraat 2, awe Diaranson 1 di Augustus.

Cada studiante a haya un orario pa haci e proceso mas eficiente. Nan tin cu haya nan geboorteakte y nan uitschrijvingsbewijs pa worde inscribi na Hulanda.

Ta importante ta p’e studiantenan sa cu e mester schrijf uit na e destinacion cu e lo bay schrijf in na Hulanda. E sistemanan ta traha di ta manera cu e momento cu un persona schrijf uit di Aruba y e scoge un destinacion, e berichtenverkeer ta bay p’e destinacion ey. Esey ta haci cu si e persona bay un otro destinacion ora e yega Hulanda cu no ta e destinacion cu el a scoge prome, e destinacion cu e bay lo no tin su informacionnan, pasobra e informacionnan ey a worde manda p’e destinacion cu el a scoge prome.

Por ultimo, Señora Luydens ta spera cu e studiantenan por sigui e reglanan aki pa evita cu ta crea un estorbo innecesario pa nan mes y cu tur studiante mantene nan mes na e orarionan cu nan a worde asigna na dje awe Diaranson 1 di Augustus na Oficina Principal di Censo den Schoolstraat 2 na Playa.

 

- Advertisement -

DUNA COMENTARIO

Please enter your comment!
Please enter your name here