Home General Caminda cu ta comunica Bushiri cu Belgiestraat lo wordo cera entrante dialuna

Caminda cu ta comunica Bushiri cu Belgiestraat lo wordo cera entrante dialuna

108
0
SHARE
- Advertisement -

Durante tres luna

ORANJESTAD (AAN): Director di DOW, Marlon Croes, a informa diabierna mainta cu tin un caminda cu ta bay cera y esaki ta e punta di Bushiri, e punta di Pos Abao bay direccion di Fantastic Gardens (pa sali na Belgiestraat), e cruzada na altura unda ta cruza cu Watty Vos Blvd lo wordo cera entrante dialuna pa trabaonan necesario tuma lugar riba e rotonde eynan.

Segun Croes, tin premira tres luna di trabao eynan. Ta spera cu e contratista y DOW por guia e trabao di tal manera cu ta finaliza esaki den menos cu tres luna.

Den cuadro di esaki lo bay tin e cambio di rutanan y ya caba a cuminza duna informacion na e comunidad. DOW ta pidi comprension pasobra di awor te cu Augustus 2019 tin diferente trabao ta bay tuma lugar pareu, Ing. Croes a informa.

ROTONDE CUMANA

Finalmente, Croes a indica cu e rotonde na altura di ex Codemsa ta practicamente cla. Tin trabaonan ainda mester tuma lugar manera e afwatering.

E contratista a informa cu e a caba cu boxnan pa saca e awa for di area. Pero nan tin e backup plan y tin cu traha e grepelnan bay direccion di San Barbola. Esey lo bay tuma lugar den fasenan despues.

El a splica cu panoord di e rotonde di Cumana tin yen di aanvulling tumando lugar, esey ta pa e viaducto cu lo pasa riba e caminda di Meiveld patras.

- Advertisement -

DUNA COMENTARIO

Please enter your comment!
Please enter your name here