Home arte y espectaculo Cancion bieu den bachi nobo di ritmo “salsa” cu Caribbean Band

Cancion bieu den bachi nobo di ritmo “salsa” cu Caribbean Band

48
0
SHARE
- Advertisement -

“To all the girls I’ve loved before”

ORANJESTAD(AAN)—Caribbean Band su produccion nobo ta disponibel na tur emisora na Aruba y tambe riba rednan social, e ta visual acompaña pa un videoclip cu por mira riba Youtube.

E pieza aki canta na Papiamento ta titular “Na tur mi amornan bieu” y ta wordo canta pa Ruthjean Helder y Rajiv Landaeta.

Di con cancion bieu? Pasobra tat rata di e popular y ainda masha exitoso cancion di Willy nelson y Julio Iglesias, cu a subi Mercado na 1984 y a conquista mundo, “To all the girls I’ve loved before”.

Dhaddy Brokke  a traduci e cancion y hunto cu Tony Sherman a present’e como “Na tur mi amornan bieu” y cu tambe a resulta un exito masha grandi riba nos isla y otro islanan di Antiyas Hulandes (di e tempo ey) y na Hulanda.

Dedica despues di 25 aña na Dhaddy y Tony , e balada aki a wordo adapta  den letrahe y moderniza  den forma di ritmo salsa pa Rajiv Landaeta como compositor y Diego Henriquez como areglista y director musical .

E intencion ta pa graba e salsa aki tambe na spaño  y lanza esaki internacionalmente cu speranzanan positivo.

Rajiv ta bon  conoci cerca musiconan y artistanan di nos isla y a cu e tin 7 aña caba ta rsidencia riba nos isla y na Corsou anteriormente e tabata integrante di “Vocal Group 2 by 2”. E ta ademas diseñador di e “cover” di e grabacion nobo aki di Caribbean Band.

Sigur ta cu tur esnan cu scucha e cancion aki , mester por encanta cu ne. Exito na e cantantenan y e banda.

 

 

- Advertisement -

DUNA COMENTARIO

Please enter your comment!
Please enter your name here