Home arte y espectaculo Caribbean Linked V Expo lo tuma lugar Diasabra awor

Caribbean Linked V Expo lo tuma lugar Diasabra awor

15
0
SHARE
- Advertisement -

ORANJESTAD  (AAN): Ateliers ’89 conhuntamente cu The Fresh Milk Art Platform y ARC Magazine ta invita comunidad na e inauguracion di e exposicion Caribbean Linked V, cu lo tuma lugar diasabra awor 25 di augustus na: Caya Grandi y Ateliers ’89, ambos na Oranjestad.

E aña, eaki e expo tin como meta hiba e concepto di conectividad na nivel local y regional un stap mas leu poniendo enfoke den e arte publico y e participacion di e comunidad.

Caya Grandi lo bira un espacio comun, pa e artistanan kendenan lo presenta nan obranan y representacionnan artistico riba caya  creando un plataforma pa asina e arte contemporaneo y e bida cotidiano topa cu otro.

E apertura na publico lo tuma lugar 5:00 PM na e plaza dilanti di Aruba Trading, na cuminzamento di Caya Grandi. Despues, publico lo por haci un recorido pa admira e obranan y e actuacionnan en vivo na Plaza Niki Habibe.

Lo tin musica bao encargo di DJs Nanof y Masbango dilanti di Aruba Trading y BonBini Bazaar respectivamente, y Massive the Brass Band tambe lo tin su aparicion riba caya.

Lo tin transporte patras di  Maggy’s te na Ateliers ’89, Dominicanessenstraat 34 pa asina por admira e resto di e exposicion.

E participantenan e aña aki ta inclui Irvin Aguilar (México / Aruba), Franz Caba (República Dominicana), Kriston Chen (Trinidad y Tobago), Sharelly Emanuelson (Curazao), Gwladys Gambie (Martinica), Adam Patterson (Barbados), Velvet Zoe Ramos (Aruba) ), Averia Wright (Las Bahamas, cu e apoyo di Charitable Arts Foundation of the Bahamas) y Raily Stiven Yance (Venezuela).

E escritor den residencia di e aña aki ta Marina Reyes Franco (Puerto Rico) y e dos comisarionan invitada ta Alex Martínez Suárez (República Dominicana) y Miguel López (Perú / Costa Rica).

 

- Advertisement -

DUNA COMENTARIO

Please enter your comment!
Please enter your name here