Home Gobierno Carubbian Festival lo reaparece den un bachi nobo un bez pa luna

Carubbian Festival lo reaparece den un bachi nobo un bez pa luna

33
0
SHARE
- Advertisement -

Cu un calidad mas halto:

ORANJESTAD (AAN) – E tan gusta y bon bishita pa nos localnan y turistanan, Carubbian Festival na San Nicolas, lo reaparece bao un bachi nobo, segun Minister di Turismo Dangui Oduber a menciona den conferencia di prensa gubernamental, na inicio di siman.

El a toca e tema contestando un pregunta di prensa. El a splica cu den su concepto nobo lo no wordo organiza semanalmente mas, pero un bez pa luna.

E lo wordo teni tur luna na un calidad hopi mas halto, un tremendo festival cu e pueblo di San Nicolas y henter comunidad di Aruba lo keda contento cune.

Na e momentonan aki si no tin ningun contratempo Notario mester ta finalizando e proceso cu a cuminza varios siman atras caba, pa entrega esakinan, despues di wordo revisa y aproba pa e notario.

Ora esaki keda cla ATA lo haya presentacion di e concepto mirando cu e forma nobo ta mara na presupuesto, ya cu antes e tabata wordo dividi entre TPEF y ATA cu tabata sponsor e festival aki.

Pero for di cambio di gobierno tur e fondonan di TPEF lo sirbi e proposito di mehoracion di e producto turistico.

E producto aki lo wordo completamente patrocina door di sponsorship di ATA, y aworaki e miembro nobo tin cu haci presentacion pa wak kico ta e fondonan disponible cu Oficina di Turismo lo tin pa sponsor e festival aki.

- Advertisement -

DUNA COMENTARIO

Please enter your comment!
Please enter your name here