Home Gobierno Caso polis Zeveda relaciona cu encargo cu nunca a tuma lugar di...

Caso polis Zeveda relaciona cu encargo cu nunca a tuma lugar di uniform y material

181
0
SHARE
- Advertisement -

ORANJESTAD (AAN) – Den conferencia di prensa extraordinario yama pa Minister di Husticia mr. Andin Bikker, el a haya e pregunta tocante e medida di prohibicion cu Sr. Zeveda a haya pa drenta edificio di Cuerpo Policial.

E mandatario su version motibo ta cu tin indicacion cu Sr. Zeveda a participa, for di un par di luna caba, den un acto unda e ta bisa cu el a haci cierto bestelling di material y uniform cu Warda Nos Costa tin mester, y cu el a keda follow up e pedido.

Minister di Husticia a señala cu apenas el a asumi su cargo el a mira e urgencia pa duna  uniform y material pa henter KPA, y a bay Parlamento pa dune aprobacion pa zorg pa fondonan, pero den e caso aki specificamente pa Warda Nos Costa, cu ainda ta cay bao di KPA.

E mandatario a subraya cu Sr. Zeveda a pretende cu e bestelling a tuma lugar, pero a bin resulta cu e no a haci esaki  y pa colmo el a manda cierto mensahenan na e compania concerni pa e bin yude gaña cu el a haci e pedido, y esaki ta algo cu Minister di Husticia no ta aprecia, y pesey a pon’e e prohibicion.

Tin otro informacion den medionan segun e dignatario pero e no sa di unda nan a bin, pero locual el a declara ta e hecho cu a tuma lugar. Asina e mandatario a subraya, agregando cu tin otro incidentenan cu mester observa pa loke ta trata e ordenanza di finanzanan publico, cu e mester atende cune como minister unda tambe tin hopi pregunta, pero ora e asunto a presenta e tabata druppel cu a laga e hemchi bay over. E prohibicion ta pa seis siman mientras e investigacion disciplinario tuma lugar y si e funcionario no ta di acuerdo cune den un Estado di Derecho e por bay Corte.

 

- Advertisement -

DUNA COMENTARIO

Please enter your comment!
Please enter your name here