Home Hulanda Caso posponi te 2019 pasobra Abogado kier pa scucha 6 testigo den...

Caso posponi te 2019 pasobra Abogado kier pa scucha 6 testigo den caso asalto fatal na Wayaca

296
0
SHARE
- Advertisement -

ORANJESTAD (AAN): Dialuna mainta e sospechoso P.S.F. a presenta dilanti Hof di Corte Superior pa e apelacion contra su sentencia di 20 aña di prison.

CASO NO A SIGUI:

Ta asina cu ayera e caso tabata pro forma. Asina mes famia di e victima Shasha tabata presente.

Presidente di Hof a bisa cu por a compronde di e abogado mr. Mohamed, cu kier scucha 6 testigo. Presidente di Hof a splica cu e problema ta cu Hof no a haya e sentencia pa studia. Ta ayera mainta nan a haya esaki y ta fastioso pa por dicidi ariba e peticion di e abogado. Sinembargo asina mes despues di a scucha punto di bista di Procurador General interino (PG) a tuma un decision.

   SCUCHA 6 TESTIGO:

PG a bisa cu e kier haya sa pakico realmente e abogado kier scucha e testigonan.

Abogado mr. Mohamed a splica cu e peticion riba e homber D. ta relaciona cu e hecho cu e tabata sera den KIA y cu lo tin un carta procedente di D. den KIA cu lo papia di cosnan. Lo mester busca e persona aki y abogado lo percura pa Hues Comisario haya nomber y informacion di e persona aki.

E abogado a sigui bisa cu e ta haya cu Recherche no a haci preguntanan na P.S.F. sino a bay tras declaracion e complice. Tambe e abogado a cuestiona cu e persona cu a bende arma a bisa algo y un otro a bisa otro. Un lo ta gaña. E kier scucha otro testigonan entre otro tata di P.S.F.

PG a remarca cu e acusado cu a bende arma no tey mas sino na Venezuela. Abogado a bisa cu Polis lo por sa si e persona ta atrobe na Aruba.

   CASO POSPONI:

Hof a pospone un rato pa tuma un decision. Despues di un rato Hof a bolbe y e president a bisa cu ta aproba e peticionnan. Lo manda e caso pa Hues Comisario pa scucha e 6 testigonan cu abogado kier.

A pospone e caso pa 13 December 2018 pero esey tambe lo ta pro forma. Esaki lo bay via pantaya di computer di Corte, caminda Hof lo kier sa si tin algun cos mas promer cu fiha un fecha pa otro aña pa tratamento di e caso.

- Advertisement -

DUNA COMENTARIO

Please enter your comment!
Please enter your name here