Home Hudicial Casonan pa casacion a subi y extradicionnan a baha

Casonan pa casacion a subi y extradicionnan a baha

49
0
SHARE
- Advertisement -

ORANJESTAD(AAN)—Tirando un bista den e Informe Anual 2016 di Ministerio Publico a ripara cu entre 2014 y 2016 e casonan cu a bay pa wordo trata den casacion a subi mientras cu casonan di extradicion a baha.

Den casonan den corte, e cantidad di casonan den apelacion relaciona cu castigo di prison tabata 83 den 2014 di cual cantidad 15 a wordo hala aden. Na 2015 nan a baha pa 73 caso y na 2016 a bira menos te na 53 caso.

E casonan cu a haya castigo den apelacion na 2014 tabata 44 di cualnan 13 a wordo hala aden. Veredictonan duna den casonan di apelacion  tabata na 2014 tabata 44 di cualnan 13 a wordo hala aden, na 2015 tabata 60 y na 2016 tabata tin 46 di cualnan 12 a wordo hala aden. Di total di 127 y 133 esakinan a baha pa 99 na 2016.

Den casacion tabata tin aumento di 8 caso penal na 2014 cu a subi na 2015 pa 20 total y na 2016 a yega na 17 caso na 2015 a extradita un persona den un caso di casacion.

Na 2014 a extradita 8 persona pa Merca. Un persona a duna permiso pa pasa den e procedura rapido of cortico pa wordo extradita. Un otro peticion a wordo rechaza debi na motibonan diplomatico.

Na 2016 un persona a wordo deteni cu fin di extradicion pa Merca. E persona aki a wordo laga liber ora cu a resulta cu e no tabata e persona cu tabata wordo busca.

Pa Hulanda no tabata tin extradicion den e 3 añanan ey mientras cu pa Canada ta solamente un caso relaciona extradicion tabata tin na 2016.

Pero e persona cu mester a wordo extradicta a bandona Aruba caba prome cu e por a wordo deteni pa wordo extradita.

Pa Venezuela ta un caso so tabata tin  y tabata na 2015. Aruba a haci un peticion na Venezuela  pa extradicion di un persona a base di e tratado di Nacionnan Uni relaciona cu contrabando di droga. Na comienzo di 2016 Ministerio Publico a ricibi e sentencia di Corte di Venezuela, fecha 23 di october 2015. E corte a rechaza e peticion pa extradicion.

 

 

 

- Advertisement -

DUNA COMENTARIO

Please enter your comment!
Please enter your name here