Home Noticia Internacional Censo pa Transporte a cuminza Diaranzon na Venezuela

Censo pa Transporte a cuminza Diaranzon na Venezuela

47
0
SHARE
CAR301. CARACAS (VENEZUELA), 24/03/2017.- Un hombre llena el tanque de combustible de un vehículo hoy, viernes 24 de marzo de 2017, en una estación de gasolinaen Caracas (Venezuela). Decenas de estaciones de servicio en Venezuela amanecieron hoy con vehículos en cola para abastecerse de gasolina, luego de que la estatal Pdvsa reportara el pasado miércoles un retraso en el transporte de combustible y se registrasen fallos de suministro en al menos cuatro estados centrales. EFE/CRISTIAN HERNÁNDEZ
- Advertisement -

ORANJESTAD (AAN): Informacion di Caracas ta mustra cu Gobierno Venezolano a cuminza Diaranzon cu un controversial “Censo Nacional del Transporte” cu cual nan ta spera di por duna subsidio y duna un ‘uso racional’ di gasolin na e pais.

Nan a crea un website unda ciudadanonan di e pais por registra via patria.org.ve segun Ministro di Transporte Hipolito Abreu a bisa.

E funcionario a corda publico, cu e censo aki lo tuma lugar den henter e pais for di Diabierna te cu Diadomingo, y cu e iniciativa aki a wordo crea pa Presidente Nicolas Maduro mes.

Nan ta suplica habitantenan Venezolano pa participa den e registro aki pa “resolve e problemanan di transporte publico” cu ta awor pa varios luna caba den crisis debi cu hopi Bus no ta coriendo mas como cu no tin pieza.

E prome paso di e censo ta via e website, den cual esnan interesa tin di crea un username y password, den e database di Gobierno aki crea aña pasa pa Chavistanan, cu metanan politico, y pa entrega bonus mensual.

Unavez bo ta den e website, e seccion nobo crea yama “vehiculos”, y e Venezolanonan mester suministra detayenan manera e plachi number di nan auto, e aña, e marca, e tipo di vehiculo, y e uso general di nan.

Ademas di esey, Gobierno kier sa si e autonan ta propiedad exclusivo of ta comparti, si nan ta trahando of no, e number di motor, e VIN-number, e tipo di combustible cu e ta usa, y e capacidad di tanki di gasolin di cada vehiculo cu wordo hinca den e censo.

Segun calculo di Chavistanan, e contrabando ilegal di gasolin Venezolano via di e frontera cu Colombia, ta generando “miyones di Dollar” pa e contrabandistanan y el a bira un di e negoshinan mas rentable debi na e diferencia di prijs y subsidionan cu Caracas tin riba prijs di gasolin.

 

- Advertisement -

DUNA COMENTARIO

Please enter your comment!
Please enter your name here