Home Cultura Centro di Bario Brazil ta cla pa celebra Dia di Brazil

Centro di Bario Brazil ta cla pa celebra Dia di Brazil

28
0
SHARE
- Advertisement -

ORANJESTAD (AAN): Centro di Bario Brazil, ta den full swing pa su preparacionnan pa Dia di Brazil. Den un conferencia di prensa, Chico Harms, presidente di e comision Dia di Brazil, a splica cu ya e weekend aki nan lo bay tin actividad. Dia 12 di Augustus, nan lo bay tin un actividad grandi, cual ta un parada chikito cu lo sali for di misa di Cristo Rey di Brazil pa e Centro di Bario. Despues lo sigui un actividad cu 10 tipico.

Despues di dia 12 di Augustus, lo sigui pa e siguiente siman, unda cu lo bay tin e eleccion di Chikitinnan cultural, cual e biaha aki nan lo bay tin un record. Tin 9 candidata cu lo competi riba dia 18 di Augustus. E ta cuminsa pa 7’or di anochi. Pa dia 25 di Augustus lo sigui cu e grandinan, cual tambe lo bay tin 9 participante. Aña pasa no tabata tin asina hopi candidato y ta ripara cu cada rato e actividad aki ta trece.

Despues di esey ta sigui dia 31 di Augustus, na unda cu tin e parada cu lanterna. Ta cuminsa pa 7’or di anochi y pa 10’or ta bek aden. For di awor aki ta pidi pa tur hende pa cuminsa prepara nan lanterna.

Despues ta sigui pa dia 1 di September, pa prome biaha lo bay tin un actividad basta pisa, caminda cu tin tres tipico cu lo toca den Centro di Bario Brazil. Lo bay tin Brisa Tropical, Stimami y Rincon Boyz. E tres gruponan aki lo anima e anochi aki. Pa su mañan, 2 di September, lo tin e parada Folklore Cultural. Ya pa 9’or y mey  di mainta ta habri cu nan Bazaar caminda cu tin mas of menos 22 stand. For di eynan ta prepara pa subi caya pa 3’or di atardi.

Harms a splica cu e ta contento con cos ta bayendo y dia pa dia e ta creciendo. Un total di 14 grupo ta participando, 7 banda y 5 disco. E actividad aki ta birando dia pa dia mas grandi. Den e parada aki tambe lo bay tin un grupo di Corsou cu lo participa den e parada. Poco poco e tres islanan ta uni cu otro den e parada cultural, cual ta deseo di e comision tambe.

Fuera di esey Harms a haci un peticion cu tin hopi musica. Esnan cu ainda cu no ta den parada y kier participa, por bay den cualkier grupo. Luga tin y musica tin hopi.

Con pa join e parada

Den pasado tabata tin cierto pañanan special. Segun Harms, cada grupo ta percura pa su bistinan. Centro di Bario tin su number cu semper por yama, esta 5846500. Eynan por haya tur informacion. For di eynan por haya number di e diferente gruponan cu nan lo por participa aden tambe.

E parada

Te ainda Bernadina Growell ta mama cultural y di e bario. Ta habri cu e grupo di Bernadina. Ta stress pa por sigui mantene e canticanan di Bernadina bibo. Ta bay usa canticanan tipico di Aruba. Esey ta e lema y lo sigui cun’e pa por keda mantene nos cultura bibo.

 

Gruponan cu ta participa

E gruponan cu ta activo den comunidad lo ta riba caya. Ta gruponan cu ta di Aruba completo. Esey ta loke cu Harms ta haya hopi bon y e ta contento. Pa loke ta reina, tin di tur bario tin candidata, cual ta hopi bunita. E ta carga e nomber di Dia di Brazil, pero ta un fiesta cultural pa full Aruba esaki ta.

 

Manteniendo cultura bibo

Awor aki nan ta bayendo pa di 8 aña cu nan ta bay parada. 8 aña pasa no tabata tin nada di esaki. Ora ta trata di cultura, masha poco cos bo ta tende. Desde cu a cuminsa cu parada cultural y awo dia pa dia ta ripara cu e palabra cultura ta hopi in. E hendenan ta cuminsa tambe acerca e proyecto cu tin, cual kier mantene esey tambe, segun Harms.

 

 

- Advertisement -

DUNA COMENTARIO

Please enter your comment!
Please enter your name here