Home Policial Chauffeur tabata asina burachi te cu e Alcohol-Sensor a crash

Chauffeur tabata asina burachi te cu e Alcohol-Sensor a crash

370
0
SHARE
???????????
- Advertisement -

El a registra 1000 µg/l

ORANJESTAD (AAN): — Un chofer bao di influencia abata core auto pa su cuenta poniendo bida di otro na peliger, segun informe suministra na Central di Polis.

Lo ta trata di homber tras di wiel di un Chevrolet  Spark color blauw y por poco a dal den un vehiculo cu tabata bin for di direccion contrario.

Central di polis a notifica patruya Noord pa tira bista pa un Chevrolet Spark blauw cu ta coriendo desde  Rotonde Paradera pa Rotonde Tanki Leendert y ta swing riba caminda.

Patruya di polis tabata na altura di Rotonde Tanki Leendert cu control ta traha verbaal. E auto blauw Chevrolet Spark a wordo para net na e Rotonde Tanki Leendert.

Ora a pone supla pa check cuanto alcohol e tin den curpa, e machine a hera rementa!

E linea di 220 µg/l ta loke bo por supla y scapa un detencion. Pero den e caso aki, e homber a supla casi cinco biaha e maximo, esta 1.000 µg/l cu ta extremo.  E machine a crash despues.  E ta indica cu e homber aki tabata banana-banana.

El a keda deteni mesora y a bay cune warda di Polis. Den un caso asina di 1.000 µg/l, e chauffeur aki ta perde su rijbewijs instantaneamente, y lo no mag di core auto mas den su bida.

Autoridad a detene e chauffeur como e homber di inicial R.A.W. di 68 aña di edad y a transport’e pa warda pa presente dilanti Fiscal Auxiliar y  pa lo demas investigacion.

- Advertisement -

DUNA COMENTARIO

Please enter your comment!
Please enter your name here