Home General Ciudadano Hulandes mata den cayanan di Peru

Ciudadano Hulandes mata den cayanan di Peru

66
0
SHARE
- Advertisement -

ORANJESTAD (AAN): Informacion cu e siman aki a wordo comparti door di e canal di Peru, esta “AmericaTV”, ta mustra cu un ciudadano Hulandes a wordo tira mata cu monton di disparo riba caya, den e distrito exclusivo y rico di Miraflores.

E area di Miraflores ta conoci pa su forma exclusivo, rico, cu hopi shopping malls, hotels, y tiendanan di renombre.

E caso a socede Dialuna anochi na Calle Tarata, ora cu tironan a cay tras di otro.  Na final un persona tabata morto riba caya.

Segun AmericaTV, testigonan a bisa cu ta dos homber riba un motorcycle a los tres tiro riba e victima.  E Hulandes tabata na e parti paden di porta di e edificio Pasamaneria El Dorado unda e ta biba.

Ta trata di un ciudadano Hulandes di como 62 aña di edad.  E persona aki identifica como Robert M., hunto cu un amigo a caba di yega bek despues di a haci compras, ora cu dos homber riba e motorcycle a ataca nan, y los tres tiro.  Por lo menos un di e tironan a bay dal den cabez di e Hulandes, y el a cay bek paden, net na e porta, y a muri algun minuut despues.  Tin informe no-confirma cu ta mustra cu tur tres tiro a dal na cabez.  Riba e potret por mira su restonan mortal tapa net paden di e porta.

Segun Polis di Peru, e Hulandes a yega di sinta castigo den Prison Santa Colonia.  Esaki debi na narcotrafico.  Tog el a wordo libera trempan debi na bon conducta den prison.

Na comienzo, autoridad a kere cu e crimen tabata mustra den direccion di un atraco.  Pero awor nan a cuminza realiza, cu ta trata aki di un reglamento di cuenta.  Pues e Hulandes a keda liquida.

- Advertisement -

DUNA COMENTARIO

Please enter your comment!
Please enter your name here