Home Comercio CMB ta bon ehempel di empresa cu ta yuda hendenan muher crece

CMB ta bon ehempel di empresa cu ta yuda hendenan muher crece

65
0
SHARE
- Advertisement -

Cu mas di 60% di empleado femenino

ORANJESTAD (AAN): E aña aki ta bay ta di 6 aña cu ATIA ta organiza nan Woman in Leadership Conference y un biaha mas CMB ta bay ta nan partner.

Esaki ta bay tuma lugar riba 24 di Augustus.

Durante un conferencia di prensa Diamars mainta, Lindsey Wever Senior Manager Business Development and External Skills di CMB a hiba palabra.

El a splica cu CMB ta kere ta importante pa hendenan muher sigui desaroya nan conocemento y wordo enfrenta cu ideanan nobo inovativo.

“Un di e oradornan pa e conferencia pa Catherine Barba, kende ta un di e specialistanan internacional den yuda empresanan chikito pa medio di tecnologia y mehoracion di nan modelonan di negoshi, pa asina nan bira mas exitoso y rendable”.

“Pesey nos kier invita tur hende muher emprendedor, pero tambe hendenan muher cu ta parti di un empresa, na unda nan ta contribui, pa asina nan por haya nan mes enfrenta  cu y conoce un poco mas di e era digital y tecnologico, pa asina yuda nan negoshi of e negoshi cu nan ta forma parti di dje pa bira mas exitoso”.

Esaki segun Wever, kende a sigui bisa cu CMB como baño ta kere den innovacion y e ta un parti esencial den nan modelo di negoshi.

“E ta algo cu tur dia ta un reto grandi pa por pensa con un banco di futuro ta bay ta”.

“Esaki ta pone cu tur dia nos ta ocupa nos mes cu esey, pasobra ta hopi importante pa por compronde con tecnologia ta influencia negoshinan y con nos por yuda y sirbi nos clientenan mihor”, segun e manager di CMB.

Ilan Lopez, Marketing & Corporate Relations Officer di CMB durante e conferencia di prensa a splica cu ta un orguyo pa sponsor di evento aki pa di 4 biaha, pa asina yuda tur hende muher den nos comunidad pa engrandece nan sabiduria y conocimento general.

E banco mes ta un bon ehempel di un empresa cu ta duna hendenan muher un oportunidad.

Lopez a splica cu gran mayoria, esta mas di 60% di e empleadonan di CMB ta hende muher y pronto esaki ta bay ta 70%.

“Mayoria di e hendenan muher aki ta den posicion di liderazgo den e banco”, segun Lopez.

 

- Advertisement -

DUNA COMENTARIO

Please enter your comment!
Please enter your name here