Home Enseñanza Colegio Arubano a dicidi pa ahusta y baha un tiki e prijs...

Colegio Arubano a dicidi pa ahusta y baha un tiki e prijs di bukinan

386
0
SHARE
- Advertisement -

Aunke toch ta keda un peso financiero fuerte pa mayornan:

ORANJESTAD (AAN) — Prijsnan a worde ahusta, prome cu Colegio Arubano a duna buki na mayor y alumnonan.   Esey un persona liga cu e asunto di Buki a confirma na DIARIO.

E fuente di informacion a menciona cu anteriormente enberdad tabatin un prijs di casi 3.900 Florin poni na alumnonan di VWO-5.  Pero e prijs di tur a worde baha.

Di algun alumno, e prijs di e Aña Escolar a subi cu como 300 pa 400 Florin. pero algun otro a subi mas.

Un mayor a menciona cu el a paga 1.700 Florin pa bukinan di Ciclo Basico 1.  A bin haya sa cu aña pasa Ciclo Basico 2 tabata como 900 Florin, y e aña aki el a bira casi 1.300 Florin.

Un lector a indica cu el a paga 1.245 Florin pa bukinan di Havo-3.

Awe Diabierna y tambe Dialuna venidero lo bay tin mas entrega di buki na e resto di klasnan cu falta pa haya, esta Havo 4, Havo 5, VWO 4, VWO 5, y VWO 6.

Pueblo por hala rosea sabiendo cu e lo no ta mes sky-high mas.  Pero tog e ta un peso financiero grandi.

Hecho ta cu tur prijs a subi, y e ta mucho mas cu e 6% cu BBO/BAZV  a subi e aña aki mas e BAVP nobo.

Di otro banda, un observador a indica na DIARIO, cu Colegio San Nicolas tin un ‘vaste bedrag’ di entre 800 y 850 Florin cu nan ta cobra pa buki pa  tur klas.

Hopi interesante con e tema aki a worde comenta den comunidad, y incluso pregunta a worde haci na Minister di Enseñanza den conferencia di prensa Diahuebs, y el a priminti di trata e tema cu e Stichting di Colegio Arubano.

- Advertisement -

DUNA COMENTARIO

Please enter your comment!
Please enter your name here