Home General Colombianonan por vota na Aruba tambe den e referendum anti-corupcion di nan...

Colombianonan por vota na Aruba tambe den e referendum anti-corupcion di nan pais

22
0
SHARE
- Advertisement -

ORANJESTAD (AAN): Manera ta conoci, e aña aki riba Diadomingo 26 di Augustus 2018, e Colombianonan lo bay urna pa asina participa den un referendum pa dicidi riba siete punto pa cual ta consultando cu pueblo.

Colombianonan pues ta bay duna nan voto na fabor di e asina yama “Consulta Popular Anticorrupcion” pa asina derota e coruptonan y comete e clase politico na control di e ciudadanonan.

E trabao ya caba ta haci!  Awor pueblo tin di bay urna y vota si nan ta aproba of no.

Na Aruba tambe e Colombianonan por vota!  DIARIO a haya sa, cu e votamento ta na Consulado Colombiano den Julianastraat, y ta habri di Dialuna 20 di Augustus te cu Diadomingo 26 di Augustus.  E horario ta di 8:00 am te cu 4:00 pm.

E votamento ta tuma lugar tur caminda.  Un total di 827.635 Colombiano cu ta biba na 69 pais, por vota na 1.330 mesa den 235 urna electoral.  Di esaki 446.422 ta muher y 381.213 homber.

Colombianonan den exterior por vota door di presenta nan Cedula Colombiano.  E otro documentonan (incluyendo Paspoort Colombiano, Rijbewijs Colombiano, y hasta e Cedula di formato bieu) NO ta valido.

DIARIO a compronde cu varios Colombiano ta interesa pa vota, pero tin  hopi cu no ta di acuerdo cu e referendum aki tampoco.

- Advertisement -

DUNA COMENTARIO

Please enter your comment!
Please enter your name here