Home Social Como pueblo nos mester para keto y pensa na unda nos sociedad...

Como pueblo nos mester para keto y pensa na unda nos sociedad ta bayendo

114
0
SHARE
- Advertisement -

Magaly Maduro di Fundacion Hende Muher den Dificultad

ORANJESTAD (AAN): Magaly Maduro di Fundacion Hende Muher den Dificultad a elabora riba e situacion actual na Aruba, na unda dialuna pasa, den un manera tragico, un persona ambulante a perde su bida.

Sra. Maduro a indica cu Fundacion Hende Muher den Dificultad tin clientenan cu tin problema cu adiccion, y un di nan reglanan ta cu hendenan cu adiccion no por keda cerca nan, cu consecuencia cu si e personanan aki no tin famia of amigonan, nan ta keda riba caya y ta bira ambulante.

El a indica cu nan tin dos aña cu bon colaboracion cu Stichting Rancho, y nan ta tende di e problemanan den Rancho constantemente, tin problemanan di adiccion, di ambulantenan, tiroteo. Definitivamente, nos como pueblo mester para keto, y pensa na unda nos sociedad ta bayendo, si nos tin problemanan di adictonan, violencia domestico, maltrato, crimennan contra mucha, contra nos mesun pueblo, ta bira ora pa no solamente gobierno haci algo, pero nos como ciudadano tambe mester actua.

Sra. Maduro a indica cu Stichting Rancho a tuma contacto cu Fundacion pa Hende Muher den Dificultad pa duna nan apoyo, y nan ta haci esaki cu mil amor, pa yuda den parti financiero pa e entiero di Ski, pero tambe pa trece concientizacion den pueblo riba problematica di adiccion, cu actualmente ta sosode den tur famia. Mescos cu violencia domestico ta sosode den tur clase, adiccion na Aruba ta den tur clase. Awo ta importante pa enfrenta e problema aki.

 

- Advertisement -

DUNA COMENTARIO

Please enter your comment!
Please enter your name here