Home General Comunidad conmovi cu circunstancianan rond di fayecimento di “Ski” 

Comunidad conmovi cu circunstancianan rond di fayecimento di “Ski” 

885
0
SHARE
- Advertisement -

ORANJESTAD  (AAN): Dialuna merdia a drenta e tristo noticia cu e ciudadano “Ski” a fayece. “Ski” tabata un persona hopi conoci den nos comunidad. E tabata cana den centro di ciudad cu su bicicletanan bunita dorna. Turistanan y tambe localnan tabata admira su arte tur dia.

Diadomingo madruga, “Ski” a wordo tira door di desconocirnan den Playa. El a haya herida na varios parti y ta menciona cu te hasta na su parti intimo.

E dia ey el a haya atencion medico y te hasta ayudo di Slachofferhulp pero parce el a bay bek den caya y dialuna tin personanan cu a conta nos mesa di redaccion, cu a mire den area di Rancho, canando cu su bicicleta cara abao. Parce e tabata keha di dolor.

Pa merdia, algun comerciante den area di waf chikito a raporta na autoridad cu ” Ski” tabata benta riba vloer cu su bicicleta banda di dje. Asina a yama Polis y Ambulance pe.

E tabata na bida, kehando di dolor,  pero algun rato despues el a fayece eynan mes, riba acera, den area di waf chikito.

Investigacion ta tumando lugar pa haya sa ken a tira “Ski”. E investigacion aki lo por trece den luz publico e motibo precis di su fayecimento y ohala e nomber di esnan cu diadomingo madruga a tira contra di su persona.

Hubert “Ski” Arrindell tabata tin 50 aña. Paz na su restonan y hopi forza na e familiarnan.

 

- Advertisement -

DUNA COMENTARIO

Please enter your comment!
Please enter your name here