Home Cultura Concierto Ayera y Awe di “Melodia” riba Freewinds

Concierto Ayera y Awe di “Melodia” riba Freewinds

27
0
SHARE
- Advertisement -

ORANJESTAD (AAN): Diasabra 1 di September venidero e barco Freewinds lo habri su porta pa un presentacion di e grupo musical “Melodia” cu lo bai deleita e anochi aki pa tur presente den “Concierto Ayera y Awe”.

Melodia no ta desconoci den e mundo di musica folklor caminda nan a presenta pa algun aña caba den diferente festivalnan cultural y tambe duna presentacionnan na diferente lugarnan pa nos grandinan y tambe actividadnan pa nos hobennan.

Melodia un grupo cu su musica unico lo presenta e anochi aki cu su repertorio varia cu musica na ingles y spaño cu ritmonan hopi varia manera, bolero, rock & roll, pop, cumbia y sin laga afo locual mas nan ta concentra ta canticanan den nos dushi papiamento cu ritmonan di wals, tumba y danza y otro ritmonan bailable.

E trayectoria di e cantidad di exito di “Melodia” cu nan produccionnan den pasado, lo no tin duda cu esaki lo ta un concierto cu un y tur lo disfruta di dje.

E anochi lo wordo habri pa un otro agrupacion no desconoci cu recientemente tambe a saca un produccion cu ta e grupo “Rondalla Universo di Aruba” bou direccion di Frank Croes unda lo presenta cu su 12 integrantenan riba guitara y cantando nos musica tradicional.

E concierto aki lo ta diasabra 1 di September y lo cuminsa 7:30 riba Freewinds. Sigur no ta algo pa perde y corda reserva trempan mirando e cantidad di stoel ta limita.

Ban apoya nos artistanan local, nos musica, nos folklor, nos cultura. Di chiquito te grandi ta di nos nan ta.

 

- Advertisement -

DUNA COMENTARIO

Please enter your comment!
Please enter your name here