Home Cultura Concierto Dominical Donny Lacle ta bay tuma lugar na Biblioteca Nacional

Concierto Dominical Donny Lacle ta bay tuma lugar na Biblioteca Nacional

34
0
SHARE
- Advertisement -

ORANJESTAD (AAN): Diadomingo awo, dia 26 di augustus Fundacion PaTalento Musical Donny Laclé ta invita pueblo di Aruba pa presencia su siguiente Concierto Dominical den  “Café Musical” den Biblioteca Nacional den Madurostraat.

Prome cu tur cos e organisadornan ta desea di gradici CEDEAruba, pa nan tremendo cooperacion, cu porfin a soluciona e problema cu sonido cu e organisadornan tabata lucha cu ne for di februari ultimo.

Un danki grandi ta bay tambe pa Ivan Quandus cu a pesar di e contratiempo cu sonido a logra yuda nos cu su ekipo simpel pa nos conciertonan por a sigui.

E prome presentacion pa 11or di mainta ta na encargo di Tomás González.      Tomás, di origen Argentino, pero mientras tanto casi un Arubiano, ta cantante y ta compaña su mes riba guitara, cu pista. E lo brinda nos un variacion di musica Latino Americano.

Despues ta haya presentacion di Grupo Araguaney. E integrantenan di  Grupo Araguaney ta: Morela Rangel, kende ta toca harpa, Sergia Betancourt (cuarta y cantante) y Mildred Martin (maraca).

Mildred ta toca cu nos pa último biaha ya cu e ta bay biba na Francia pa un temporada. Diadomingo grupo Araguaney ta conta cu dos musico invita. Jhosayra Rojas, tocado di harpa internacional y mientras tanto hopi conoci den nos conciertonan y tambe Tico Abreu, un multi-instrumentalista, un persona cu sa toca hopi instrumento musical riba nivel profesional.

Ta finalisa E concierto cu presentacion di Los 3, un grupo cu a actua diferente biaha caba den nos conciertonan. Si nos tin problema pa haya un grupo, pa cera nos concierto e integrantenan, Erick Uchtmann, Bito Franken y  Eric Ignacio, ta percura semper pa un tremendo ambiente y pone hopi hende riba vloer.

Entrada pa e concierto, cu ta cuminsa 11.or y ta dura te 13 or, ta gratis. Den pausa un caha di glas ta pasa rond unda tur presente tin oportunidad pa haci un donacion na beneficio di nos hoben talentonan musical.

Tur aña durante e concierto di luna di november/december Fundacion Donny Laclé, cu ta maneha e placa cu ta drenta den e caha di glas, ta yuda diferente hoben cu por haci bon uso di e yudansa aki pa nan sigui desaroya nan talentonan musical

Bini uno bini tur, bin disfruta di un dushi diadomingo mainta na Biblioteca!

 

 

 

- Advertisement -

DUNA COMENTARIO

Please enter your comment!
Please enter your name here