Home Social Congreso Internacional na Aruba tocante abuso di mucha

Congreso Internacional na Aruba tocante abuso di mucha

112
0
SHARE
- Advertisement -

Cu participacion di expertonan renombra grandi

ORANJESTAD(AAN): Un di e personanan cu ta bay participa na e congreso internacional riba abuso di mucha aki na Aruba, ta Neuro-Psicologo Melva Croes Yanez.

Durante un conferencia di prensa di Minister di Enseñanza Rudy Lampe, e Psicologo a splica cu e rol di prensa tambe ta importante pa loke ta kico comunidad por hasi cu e informacion cu ta bay wordo duna nan e congreso di dia 23, 24 y 25 di Augustus.

Segun señora Yanez, for di 2013 caba tabata tin un idea pa bin cu un tipo di seminario asina pa Aruba, basa tambe riba recomendacionnan di UNICEF.

“Nos tin asina tanto departamento cu ta regarda y trata mucha, pero lamentablemente nan no ta traha hunto”.

“Esey ta un cos cu a dal mi hopi duro”, segun e Psicologo, kende a bisa cu no mester punta dede riba otro, sino traha pa futuro.

“Mester traha hunto na un manera inter-disciplinario y esey tambe ta encera prensa, mediconan, maestronan, ‘first responders’ etc.”, segun Yanez

El a splica cu mester corda cu e casonan cu a Sali den prensa ta solamente e top di e ijsberg, pasobra na Aruba mescos cu na tur caminda na mundo, tin hopi caso di abuso di mucha.

Tin por ehempel casonan tambe di yiunan a nace indesea, unda cu nunca nan nomber a wordo registra na Censo, pasobra ya nan a fayece caba of a wordo asesina.

Esaki tambe ta bay ta un tema na e seminario, unda un experto di Instituto Forensico di Den Haag y otro expertonan renombra manera Dr. Phillip Resnick ta bay yuda trece mas claridad y duna puntonan importante pa tene cuenta cune.

Resnick entre otro tabata envolvi den e investigacion den casonan renombra esta di Oklahoma City Bomber Timothy McVey y asesino en serie, e canibal Jeffrey Dahmer.

Un huez di mucha na Amsterdam Mr. Bruning tambe ta bay ta un di e expertonan presente y asina ta bay tin mas cu lo hasi e congreso aki bira algo grandi y hopi relevante.

Entre otro lo papia tambe riba ki efecto violencia domestico tin riba mucha.

Croes Yanez a sigui bisa cu un di e metanan principal di e seminario ta pa yega na un manera con pa detecta lihe, si den cierto casonan tin abuso di mucha ta tumando lugar.

Asina por ehempel un maestro por raporta esaki na ora, pa asina evita cu un tragedia por tuma lugar.

 

 

- Advertisement -

DUNA COMENTARIO

Please enter your comment!
Please enter your name here