Home General Conhuntamente cu Oficina di Turismo ta purba informa turistanan riba uzo di...

Conhuntamente cu Oficina di Turismo ta purba informa turistanan riba uzo di productonan dañino pa naturaleza

24
0
SHARE
- Advertisement -

Arjen de Wolff, director di STINAPA Bonaire

ORANJESTAD (AAN):  Arjen de Wolff, director di STINAPA (Bonaire) y tambe miembro di DCNA ta di bishita na Aruba y pa esaki a reuni cu Minister Otmar Oduber relaciona cu e sosten cu ta brindando y e advies den cuadro di introduccion di parke marino.

De Wolff a manifesta cu ta purbando pa tur 6 isla por traha pa tin un balans relaciona cu proteccion di medio ambiente. Pesey na Aruba kier duna e sosten pa yuda otro y sigui bay dilanti.

Den e caso di Bonaire, Arjen de Wolff a indica cu mescos cu na Aruba, nan tin comunidadnan chikito di piscador. Tin un dialogo permanente y habri entre e autoridad cu ta maneha e parke, e piscadornan y nan interesnan.

No a nenga cu por tin puntonan di desacuerdo, pero pa esaki e dialogo mester ta habri y transparente mirando e diferente interesnan cu tin.

Mester purba combina e metanan, resultadonan, agendanan pa por trece un isla dilanti, e director di STINAPA a remarca.

Na Bonaire, e fundacion di piscador ta hopi activo y e relacion ta hopi habri cu nan. Tin mesun meta, mesun interes cual ta proteccion di medio ambiente y naturaleza, de Wolff a bisa.

PROHIBICION RIBA SUNBLOCK CU OXYBENZONE

Riba e aspecto di prohibi e uso di “suntan” of “sunblock” cu ta contene un substancia cu yama “Oxybenzone”, cu ta dañino pa medio ambiente, Arjen de Wolff a expresa cu na Bonaire nan tin un bon comunicacion cu e oficina di turismo y touroperadornan.

Ta ofrece nan varios alternativa di “sunblock/suntan lotions” cu no tin e substancia aki  den dje ta riba mercado. Pa esaki tambe mester tene e cooperacion di comercio pa asina purba pone e turista crusero informacion ademas di dune un opcion.

Ta ripara cu cierto linea crusero ta mas dispuesto pero banda di esaki ta purba di tene un dialogo cu esnan concerni pa di e forma aki por trece un cambio, De Wolff a duna di conoce.

 

 

- Advertisement -

DUNA COMENTARIO

Please enter your comment!
Please enter your name here