Home Salud Consumidor tambe mester paga mas tino riba fecha expiracion di producto

Consumidor tambe mester paga mas tino riba fecha expiracion di producto

20
0
SHARE
- Advertisement -

ORANJESTAD (AAN)—Tin supermercadonan grandi, cu pa nan tradicion di ofrece un bon producto y e clientela tin asina tanto confianza den nan, cu nan ta dispuesto na paga prijs halto pa cada cos cu cumpra eynan, pasobra nan ta custumbra cu e calidad di e productonan.

Sinembargo, nan tambe por faya pa loke ta trata check regularmente unda por tin producto cu a vence. Por ehemplo, productonan cu mester ta den frio manera yogurt, flan, gelatin, pudin, aroz con lechi, etc., tin biaha e trahadornan mes por laga pasa un par cu e fecha a expira y cu e consumidor ta tume tambe sin mira e fecha y bay cas cune, ainda sin paga tino cu e producto ta venci.

Ta e caso di un consumidor cu a cumpra un pakete di cuatro flan cu e ta custumbra di busca semper cu e ta haci compras.

E cu su casa a consumi un y un rato despues nan a haya dolor di barica. Su dia siguiente e señora a ripara cu ainda tin dos den su frishider, y el a bay pone un pa su yiu pero algo manera instinto a pone wak e fecha. E producto a expira for di MEI. Ora el a bay habri un el a ripara cu e contenido tabata manera infla caba.

E simplemente a tuma contacto cu e supermercado concerni, pasobra cosnan asina nunca antes a pasa cune, ni e ta tende tampoco di otro consumidornan, pues e biaha aki a trata di un casualidad cu por sosode unda hende ta traha. E consumidor ta sigur cu nan ta bay tene cuenta cu esaki ya cu ta un establecimento cu prestigio y bon nomber.

Pero e conseho di e consumidor ta pa como cliente tambe paga tino riba fechanan di vencimento di producto. Den e caso aki ta un paki di cuatro flan so a resta. Podise e otronan of a wordo cumpra of a wordo saca for di e frizer sin paga tino cu tabata tin un mas. Tog ta na beneficio di e consumidor mes pa ta mas atento y si tin productonan ya venci mesora por haci e reclamo y asina aki e trahador concerni ta saca afo tur esnan cu fecha venci. Cosnan asina por pasa! Hasta den nos mesun cas si nos ta lubida cu nos a cumpra algo y ora nos a corda el a daña caba.

Generalmente, tin keho riba supermercadonan chikito unda hopi biaha e situacion di bende cosnan pasa di fecha ta casi un habito. Pero den supermercadonan grandi e cliente ta confia mas. Pero tambe por sosode. Asina cu e atencion riba loke nos ta consumi mester bin di ambos banda: comercio y consumidor.

- Advertisement -

DUNA COMENTARIO

Please enter your comment!
Please enter your name here