Home Deporte Copa Noord e aña aki lo wordo dedica na 8 hungador

Copa Noord e aña aki lo wordo dedica na 8 hungador

54
0
SHARE
- Advertisement -

ORANJESTAD (AAN)-Copa Noord 2018 a start sali Diadomingo ultimo cu tremendo weganan manera semper. E aña aki e torneo ta den man di e “toro nan di dam” cu ta Tanki Leendert Giants softball team. Copa Noord lo tin un duracion di 6 weekend y e gran final ta programa pa diadomingo 30 September 2018.  E apertura tabata tradicional caminda no a tene un desfile manera custumber, pero a toca himno cu tropet pa Nelson Tromp.

Torneo a wordo dedica na 8 hungador cu desde inicio di TLG 19 aña pasa, ainda ta cu TLG nan ta Franklin Danies, Franklin Croes Richard Krozendijk, Vincent Willems Alwin Acosta Tico Danies Gabriel Chiki Dijkhoff y Eugene Helder. E personanan aki lo ricibi un homenage dia 30 di September prome cu e wega final.

Diadomingo ultimo tabata tin e banda Quality Jammz cu a pone tremendo ambiente. Team nan participante na e tan respeta y gusta torneo aki di Copa Noord 2018 ta: Bad Boys – Calabas Blue Jays – Kudawecha Indians – Kudawecha Redskins

– Mariners – Montaña Braves -Royal Power

– Super Plus – Tanki Leendert Giants. Tanki Leendert Giants ta invita tur fanatico nan di bon softball pa yega veld di CBN diasabra y diadomingo awor apoya e equipo nan di Noord. Bar y cushina lo ta bon surti bin pasa un rato deportivo yena cu ambiente.

Adhunto tin e schedule di weganan pa e weekend aki.

 

 

- Advertisement -

DUNA COMENTARIO

Please enter your comment!
Please enter your name here