Home General Corte Superior a mustra cu Huez mes no por dicidi kico e...

Corte Superior a mustra cu Huez mes no por dicidi kico e taza maximo di porcentahe ta pa creditonan chikito

37
0
SHARE
- Advertisement -

ORANJESTAD (AAN): Corte Superior di Caribe Hulandes a duna un sentencia encuantio e Tarifanan Maximo pa Creditonan Chikito pa Consumidornan na Curacao.

Den e sentencia duna dia 24 di Juli 2018, Hof a dicidi cu no ta cay na Huez, sino mas bien na legislatura of na Banco Central di Curacao y St. Maarten pa establece reglanan general encuanto tarifanan maximo pa credito di consumidornan.

Na 1999 caba, Hof a yega di duna tres sentencia den Caso Sumario, cu tabatin influencia legal grandi riba e parti Caribense di Reino Hulandes.  Hopi a deduci di esaki cu un tasa maximo di 18% pa aña ta valido pa creditonan chikito pa consumidornan.

Den e caso cu nan a dicidi na fin di Juli, un cliente a fia 1.000 Florin, di cual e mester a paga bek cuotanan mensual.  E taza di interes cu a bay di acuerdo cune tabata di 10 porciento pa luna.  E entidad di credito tabatin un extension otorga pa Banco Central.  E cliente a cay atras den pago.  Y segun e contract, un renta di multa di 1,5% a wordo agrega cada luna.

E pregunta basico cu mester a haya contesta den e caso aki, ta cu si mester aplica un taza maximo, y si ta asina, ki taza e ta bira.

Den e caso aki, Hof a busca conseho di Banco Central.  Tambe Hof a check e desaroyonan riba e islanan-BES y na e departamentonan di exterior Frances.  Finalmente Hof a dicidi cu e decision aki ta bay mas leu di su tarea legal pa establece un taza maximo como Huez.

 

- Advertisement -

DUNA COMENTARIO

Please enter your comment!
Please enter your name here