Home Comentario Cuanto victima mas falta pa por realiza cu sociedad ta bayendo den...

Cuanto victima mas falta pa por realiza cu sociedad ta bayendo den caminda negativo

21
0
SHARE
- Advertisement -

ORANJESTAD (AAN): E caso di abuso fisico cu a resulta den un caso fatal, a shock Aruba riba Dialuna.

Magali Maduro kende ta coordinador pa Fundacion pa Hende Muhe den Dificultad, ta comenta cu nan ta lamenta profundamente cu awe mainta tempran a wordo lanta pa un noticia asina tristo cu a conmove hopi hende aki na Aruba.

E informe a conmove hopi hogar y ta conmoviendo nos islanan di Caribe. A haya hopi reaccion pa e caso particular aki y hopi hende ta lamenta cu el a sosode. E pregunta cu ta surgi na e momento aki ta, cuanto mas.

Cuanto mas victima e isla mester pa pueblo por realisa cu sociedad ta bayendo den un caminda negativo. Si nos, no, conhuntamente dicidi pa haci algo na esaki, sino conhuntamente bisa cu nos no ta acepta ni tolera den nos sociedad, e tipo di abusonan aki, e ora nos por bien lubida. Mas y mas e violencia ta manifesta su mes den nos sociedad. E ta di lamenta masha hopi mes cu awe mainta, dos yiu ta realisa cu nan mama no tey mas.

Tambe e hende muhenan cu awe ta realisando cu si e no sali for di e situacion aki, kisas e tambe ta un victima, kisas cu e tambe por caba como un estadistica mas.

Dialuna mainta ora cu e caso a bira conoci, mesora e Fundacion a wordo yama door di Minister di asuntonan social, Glenbert Croes. Mesora el a mustra cu e kier atencion pa e caso aki.

Hunto cu e resto di Aruba, bay traha un tiki mas duro cu ya ta haciendo caba. E fundacion ta purba di ta den media constantemente, concientisa nos hendenan muhe. Esaki ta un tema cu no mester sconde mas, ta un tema cu tin cu papia rond di dje. Hopi hende a yama y tambe doñonan di trabao.

Tin concientisacion ta tumando luga, pero segun Maduro, e no sa si ta suficiente.

 

 

- Advertisement -

DUNA COMENTARIO

Please enter your comment!
Please enter your name here