Home Policial Cuerpo Policial a haya hopi atencion durante Bario Fest

Cuerpo Policial a haya hopi atencion durante Bario Fest

306
0
SHARE
- Advertisement -

ORANJESTAD (AAN): Fin di weekend a culmina den un tremendo dia di famia. Cuerpo Policial Aruba tabata presente na Expo Seguridad den curason di Dakota. For di 10’or di mainta KPA tabata tin su booth na unda comunidad por a haya  informacion importante con pa preveni ladronicia y diferente otro topiconan mas.

Den oranan di merdia tabata tin demonstracion y publico por a saca potret di nos unidadnan cu tabata presente. Motor Unit, K9 Unit, Mobiele Eenheid, Kust Surveillance, Polis Maritimo y Departamento di Communicacion Informacio y Prevencion di Cuerpo Policial Aruba tabata presente. Asina nos comunidad por a conoce nos agente policialnan mas di cerca.

Minister di Husticia Sr. Andin Bikker y Alto comisario di Polis Sr. Andrew Hoo tambe tabata presente pa asina mira nos unidadnan haci nan presentacion y demostracion.

Un atardi na unda e booth di KPA tabata yena cu muchanan chikito y grandi cu ta interesa den e trabao di polis. Cada un a haya e oportunidad pa papia cu nos agente policial, saca potret, mira demostracion di nos polis canino y bisti e equipo cu polis ta uza pa combati criminalidad.

Cuerpo Policial Aruba ta masha satisfecho cu e reaccion y acogida ricibi di nos comunidad. Keda pendiente pa e siguiente proyecto na unda nos lo sigui ta mas cerca di nos pueblo.

 

- Advertisement -

DUNA COMENTARIO

Please enter your comment!
Please enter your name here