Home Politica CURPA lo duna gobierno y AZV 3 luna pa regla seguro di...

CURPA lo duna gobierno y AZV 3 luna pa regla seguro di viahe den e pakete di AZV

68
0
SHARE
- Advertisement -

Drs. Robert Anjie CURPA:

ORANJESTAD (AAN) –  Segun Robert Anjie di Partido Politico CURPA, recientemente por a nota e caso lamentabel na unda un turista hoben di 7 aña a haya un accidente cu a rekeri ayudo medico.

E turista aki no tabata tin seguro pa cubri e gastonan necesario pa wordo atendi y manda su pais. E situacion aki ta pasa cu hopi ciudadano di Aruba cu ta segura  na AZV ora nan viaha pa exterior y nada no ta wordo cubri door di AZV y gobierno.

Esaki no por y pesey partido CURPA durante campaña a pone den su programa cu si  nan drenta gobierno nan lo a percura cu tur cliente di AZV ta automaticamente segura pa gastonan medico ora algo accute  pasa cu nan den exterior.

Actualmente un asina yama reisverzekering no ta cubri gastonan medico  manera mester ta esta un maximo di 30 mil dollar  y tambe  si un persona tin un condicion medico existente manera sucu, presion halto, colesterol  e reisverzekering no ta paga nada si e problema medico ta pa motibo di bo condicion medico existente.

Tambe esnan di edad no por haya un reisverzekering hasiendo cu nan ta manera un prisionero na nan mesun pais. E cosnan aki no ta aceptabel y pesey  Partido CURPA a  pone den su programa cu automaticamente clientenan di AZV ta segura ora nan bai den exterior.

Na Corsow un cliente di e AZV di Corsow den pasado a lanta un caso contra e organisacion pa motibo cu el a bira malo den exterior y e AZV di Corsow no kier a paga pa e gastonan medico.

E cliente aki a gana su caso den corte y na Corsow awor tur cliente di e AZV di Corsow ta automaticamente segura ora nan viaha pa exterior. Abase di e hurisprudencia aki por lanta un  caso den corte  na Aruba y obliga AZV di duna un reisverzekring automaticamente pa tur su clientenan.

Partido CURPA tin e bienestar di e pueblo na pecho y pesey a pone e exigencia aki den su programa. E gobierno actual ta pretende di pone hende central pero ta laga su ciudadanonan na caya ora nan viaha  pa exterior.

Si gobierno of AZV no ofrece un reisverzekering pa su clientenan partido CURPA lo cuminsa un caso den corte den nomber di e pueblo pa obliga AZV y gobierno pa segura clientenan di AZV automaticamente ora nan viaha pa exterior pa gastonan medico cu ta rekeri atencion di emergencia.

CURPA lo duna gobierno y AZV 3 luna pa regla esaki den e pakete di AZV. Nos ciudadanonan no por wordo laga na caya den exterior ora nan haya nan mes confronta cu gastonan medico y nos grandinan no por keda manera un prisionero pega na Aruba.

 

- Advertisement -

DUNA COMENTARIO

Please enter your comment!
Please enter your name here