Home Hudicial Dama a conta Hues con su yiu ta haci su bida imposibel

Dama a conta Hues con su yiu ta haci su bida imposibel

234
0
SHARE
- Advertisement -

ORANJESTAD (AAN): Diahuebs mainta e homber B.M. mester a presenta dilanti Hues pa e delitonan cu el a haci. E no a presenta den Corte pero su mama si. E mama a conta Hues con su yiu ta haci su bida imposibel.

ACUSACIONNAN:

E acusacionnan cu Fiscal a presenta contra B.M. ta cu riba 11 di Mei 2018 el a kibra un stoof y frigidaire na cas di e mama. Ademas e ta worde acusa di maltrata su mesun mama riba 4 Januari 2018. Tambe riba 12 Mei 2018, el a maltrata un agente di Polis. Fiscal tambe a pidi Hues pa impone e castigo condicional di 6 luna.

Ta asina cu e sospechoso no a presenta. Su mama si a presenta. Abogado mr. Faarup a bisa cu e situacion ta hopi tristo. Ora cu e sospechoso ta agresivo e mama ta bay den auto na warda di Polis y ta keda drumi dilanti warda di Polis. E abogado ta haya cu lo ta preferibel cu B.M. ta presente.

Fiscal a bisa cu e ta compronde e situacion pero no ta mira necesidad pa pospone e caso. E ta haya cu B.M. a worde invita na tempo pa ta presente.

Hues a dicidi pa sigui cu tratamento di e caso. Hues a mustra cu segun e carchi di castigo di B.M., na 2017 el a worde condena na 18 luna di prison pa maltrato severo di cual 6 luna condicional cu tempo di prueba 2 aña y bou guia di Reclasering. Hues a puntra si B.M. a sigui instruccion di Reclasering.

Abogado a splica cu e sospechoso e aña aki a sigui tratamento den Paaz pa algun siman pero ta nenga retundamente pa tuma pilder. E ta haya cu usa marihuana ta yud’e. Reclasering a haci un raport cu ta mustra cu B.M. ta biba cerca su mama y no ta traha y ta usa marihuana.

MAMA TA BIBA BOU PRESION:

Hues a puntra e mama con ta bayendo na cas. Segun e mama, e situacion ta mesun cos. El a bisa cu e ta busca manera pa controla e situacion. B.M. ta pidi placa y si e no haya e ta bira sumamente agresivo. E mama den su spanto ta bay for di cas. E dama a bisa cu e no por sigui asina pasobra e no por haci su cosnan door cu constantemente e tin cu sali for di cas. E dama ta mustra cu e situacion ta hopi tristo.

E ta haya cu e ta molestiando Polis pa keda yama cada biaha. Hues a puntra con mester sigui awor mirando con e mama tin cu biba. E mama kier mira si por pone B.M. den centro di motivacion na San Nicolas. El a splica cu su yiu B.M. tabata studia na HAVO pero na dado momento a haya problema cu docente.

FISCAL:

Fiscal a mustra cu den e caso aki tin problema cu B.M. A base di raport di Reclasering no por obliga B.M. haya tratamento. Tur cos mester bay voluntario. Fiscal ta haya cu mester haci cu B.M. ta bay sigui un of otro guia. El a exigi castigo igual na loke B.M. a sinta esta 16 dia y e 6 luna ta keda colga riba su cabez pa un periodo di 1 aña. Fiscal ta haya cu B.M. a mustra di ta dispuesto pa sigui cierto tratamento so y no otronan.

Abogado mr. Faarup a mustra cu lamentablemente ainda no tin e cuido adecuado pa personanan cu e problema aki. E ta comparti punto di bista di Fiscal pa loke ta e castigo.

    SENTENCIA:

Hues a sera tratamento di e caso y a dicta sentencia di biaha. E ta haya B.M. culpable di e delitonan y ta confirma exigencia di Fiscal. Hues a condena B.M. na castigo igual na e 16 dianan cu e tabata sera y cu e 6 luna condicional di prison ta keda colga riba su cabez pa un periodo di 1 aña.

- Advertisement -

DUNA COMENTARIO

Please enter your comment!
Please enter your name here