Home Parlamento Daphne Lejuez ta kere cu iniciativa di ‘Park & Ride’ por bira...

Daphne Lejuez ta kere cu iniciativa di ‘Park & Ride’ por bira un bon solucion pa problema di parkeo

99
0
SHARE
- Advertisement -

ORANJESTAD (AAN): A tuma nota cu minister encarga cu Transporte, sr. Chris Romero, lo bay anuncia e maneho nobo pa locual ta AruParking.  Parlamentario Daphne Lejuez (MEP) kier a trece atencion na algun observacion y comentario ricibi den cuadro di e situacion actual.

“Gran parti di e necesidad pa parkeo den ciudad ta pa esnan laborando den ciudad”, Parlamentario Lejuez ta comenta.  E Parlamentario ta enfatisa cu falta di sancion riba parkeervak blanco a hiba nos na caos, unda cu esnan cu ta usuario di vak geel awor tambe ta haci uzo di vak blanco ora nan ta mas cerca di nan luga di trabao.

“Esakinan apenas ta algun observacion cu ta duna indicacion cu e raiz di e problema ta pa tin espacio di parkeo adecua pa esnan laborando na Playa, y pa si logra haya un solucion pa esaki e lo por conduci na resta espacio di parkeo suficiente pa cliente”, segun Parlamentario Lejuez.

‘Park & Ride’:
Algun sugerencia cu e Parlamentario ta trece dilanti ta cu por ehempel un ‘Park & Ride’, cual ta algo cu na varios ciudad na Hulanda tambe e Parlamentario mes a experiencia durante su bishita recien. “Pues unda cu por parkeer pafo di ciudad pa henter dia pa un suma fiho, y unda cu tin servicio di bus/shuttle regularmente pa transporta hende pa diferente parada strategico den centro di ciudad y bek”,  e Parlamentario ta comenta. Esaki lo por ta un opcion pa esnan laborando den ciudad como tambe cu kier pasa dia den ciudad sin worry cu parkeermeters.

Un solucion manera ‘Park & Ride’ no mester ta un proposicion costoso manera un parkeergarage, ya cu esaki por worde haci cu tereno di gobierno bashi pafo di ciudad, y lo por worde maneha pa e personal ya existente di Aruparking/Arubus, y tambe lo por worde ofreci na un abonnement rasonabel pa stimula su uzo.

E Parlamentario a conclui bisando: “Implementando un solucion pa parkeo di esnan laborando den ciudad lo amplia espacio pa bishitantenan por parkeer y asina aki tambe alivia e reto actual di parkeo.”

- Advertisement -

DUNA COMENTARIO

Please enter your comment!
Please enter your name here