Home General Dechi Bislip mustrando cu Piscadornan keto bay confuso si acaso por captura...

Dechi Bislip mustrando cu Piscadornan keto bay confuso si acaso por captura Djampou of no

48
0
SHARE
- Advertisement -

ORANJESTAD(AAN): Un di e piscadornan local, esta Dechi Bislip a participa den e reunion cu a worde yama durante siman cu a pasa, unda riba di 200 piscado local tabata presente.

Bislip a splica cu ta tende el a haya tende di e diferente cambionan cu lo bay bin, pero no a haya nada riba papel. E cambionan a bay Raad van Advies y ora e ta cla ta manda bisa cu esaki ta e ley.  “Ley ta bin si bo kier of no,” el a enfatisa.  El a mustra cu asina tur gobierno ta traha.

Dechi no tabata sa cu piscamento di un Djampou ta contra ley. Nan a celebra un 18 di Maart, pero Minister Otmar Oduber a splica cu nan por a par’e, pasobra piscamento di un Djampou ta contra ley. Ta di esey e piscadonan ta biba cun’e, 20 of 30 kilo di djampou. Pa bo caba cu un pisca, mester tin pesca profesional.

Pero ta cu un cos chikito nan ta sali cun’e cerca di tera y ta busca su 20 pa 30 kilo di pisca, pa bo biba. No pa bira miyonario, cumpra auto nobo, sino pa biba y cria bo famia.

Bislip a splica cu nan ta sinti nan mes incomodo, pero nan mes no sa ki cambio e ta mirando cu e no ta riba papel. Ora cu documenta esaki, e ora nan lo sa ta ki cambio lo bay tin pasobra nan mes no sa kico ta pasando. Ta ora cu e ley pasa, e ora ta haya e documento y bisa kico ta e ley, gusta of laga, pasobra asina gobiernonan ta traha.

Dechi Bislip tin 69 aña y a lanta den un famia piscado. E tin masha hopi aña ta piscando, riba 50. No solamente e ta pisca, sino e ta sambuya tambe.  E amor pa piscamento ta core den famia

Bislip ta haya pica pa su yiunan pasobra el a inverti den varios material di pesca, manera cumpra boto, cumpra demas cosnan pa nan bay pisca. Awo cu a kita Djampou, kita Pisca Corra, bo a caba cu nan. No mag di bay tera coy un Picuda.

A priminti hopi biaha cu lo bay bin back cu piscamento cu harpun. Bislip a splica cu politiconan ta gaña. Ya nos ta den 8 di luna y ainda nada di piscamento cu harpun. Nan no a ni corda cu nan a priminti cu tiramento di pisca lo bin aden. Con bo ta bay pone tiramento di pisca y a pone full rond di Aruba of tanto parti unda cu ta tira pisca, cu no por bay. Unda bo ta bay tira. Bislip a tira semper, pero den awa na Venezuela. Pero si nan hay’e tambe, nan lo bay cun’e. Awo ta pio pasobra tin pirata na cantidad, el a splica por ultimo.

 

- Advertisement -

DUNA COMENTARIO

Please enter your comment!
Please enter your name here