Home Gobierno Delegacion di UNICEF ta na Aruba den cuadro di implementacion di e...

Delegacion di UNICEF ta na Aruba den cuadro di implementacion di e Crisis Plan Social

85
0
SHARE
- Advertisement -

Minister Glenbert Croes: Nan a reuni caba cu diferente stakeholders

ORANJESTAD (AAN): Minister di Asuntonan Social y Labor, Minister Glenbert Croes a yama un rueda di prensa diamars atardi pa asina elabora riba e mision di UNICEF cu ta bishitando Aruba den e dianan aki.

E delegacion ta consisti di Marlies Filbri, Francesca Stuer di UNICEF Hulanda y Monica Darer di UNICEF America Latina y Caribe.

Tambe den presencia di directora di Departamentonan di Asuntonan Social, Glenda Hernandez, e mandatario a duna di conoce cu e delegacion aki ta haciendo investigacionnan y dunando apoyo ora cu nan comienzo di e aña aki, den cuadro di implementacion di e Crisis Plan Social, a bay Hulanda.

A haci un bishita na UNICEF ya cu ta nan specialidad atende cu emergencianan pa cu nos muchanan rond mundo.  Gobierno di Aruba a papia cu UNICEF y a pidi nan asistencia mirando loke a pasa na inicio di Gobernacion cu e caso di e muchanan chikito cu a fayece.

UNICEF a dicidi di ta dispuesto pa yuda Aruba. A pidi tambe gobierno di Hulanda asistencia y apoyo den cuadro di e implementacion di e Crisis Plan Social. Hulanda a bay di acuerdo pa apoya e proceso aki.

Minister Croes a duna di conoce cu nan ta hopi gradici cu Gobierno di Hulanda y asina hunto lo encamina e proceso aki.

E representantenan di UNICEF a reuni caba cu stakeholders pa asina analiza con ta bay bin cu un structura pa tur e instancianan traha hunto y trece claridad riba responsabilidad di tur envolvi den e cadena social di asistencia, Minister Croes a indica.

El a agrega cu e instancianan lo tin un structura riba con pa anda cu emergencianan cu mester wordo notifica, kende mester asisti den ki caso y con lo deal cu e listanan di spera cu tin.

Mester laga un structura “in place” pa futuro pa loke ta temanan di abuso di mucha, maltrato, den tur sentido di palabra, cu hendenan capacita y cu por atende e problemanan aki.

Minister Glenbert Croes a agrega cu Departamento di Asuntonan Social (DAS) ta lidera e proceso aki pa medio di Glenda Hernandez, kende tambe tin e funcion di Crisis Manager henter e implementacion di e Crisis Plan Social.

E trabao aki lo ta continuando y e meta ta pa Aruba ta capaz den deal cu “crisis response” y cu prevencion pa evita casonan tuma lugar. Pa tambe den casonan di emergencia pa capaz di manera e crisis, a indica.

“E unico manera cu nos ta logra gana e bataya pa loke ta abuso di mucha, abuso en general, abuso contra hende muher, hende homber, nos grandinan, abuso contra handicap ta si nos kibra silencio”, a mandatario a expresa.

 

- Advertisement -

DUNA COMENTARIO

Please enter your comment!
Please enter your name here