Home General Den e lucha contra abuso domestico nos tin un gran contrincante: Tabu

Den e lucha contra abuso domestico nos tin un gran contrincante: Tabu

7
0
SHARE
- Advertisement -

Prome Minister Evelyn Wever-Croes:

ORANJESTAD (AAN) – Minister Presidente sra. mr. Evelyn Wever-Croes, a duna sosten na e Plataforma Stop Abuso Domestico y e tabata acompaña pa Minister di Asunto Social, sr. Glenbert Croes, promotor di e Plan di Crisis Social, y pa e Presidente di Parlamento sr. Ady Thijsen.

Prome Minister a expresa cu ta presente y hiba palabra den e evento aki ta un honor pe. El a menciona cu ora e tabata na caminda pa e evento, e y su coleganan tabata papiando tocante e tema y meta di dicho evento.

Nan a comenta cu kizas nan lo no bay haya tanto hende den e evento manera ora tin un concierto of otro actividad asina.

Pesey, su prome mensahe a bay pa e organizadornan pa no laga nada descurasha ni demotiva nan.

“Cada persona akinan ta un persona conciente cu ta inspira un otro. Esakinan ta pasonan chikito cu nos tin cu duna den e lucha aki contra violencia domestico”, e dignatario a expresa.

“Den e lucha aki bo no tin un contrincante obvio. Bo no tin un contrincante bisto. Bo tin un contrincante desconoci. Un contrincante cu bo no por yega bise kico bo ta pensa. Y nos tin un contrincante grandi cu ta TABU. Door di e tabu cu nos no mag di papia di esaki”, Minister President a subraya.

Prome mandatario, den nomber di Gobierno di Aruba, a expresa cu nan ta sostene e accionnan aki y ta felicita e organizadornan. Tambe ta gradici cada un di e personanan cu a contribui na e accion aki.

El a acentua cu un hende cu a wordo concientiza e atardi aki, ta un hende cu a wordo yuda.

“Pero e grupo cu nos tin presente akinan, cu e entusiasmo y compromiso cu boso tin, mi ta sigur cu nos ta logra convence mas hende. Gobierno di Aruba tambe ta kibrando cabes riba e mesun tema aki. Naturalmente, nos tin falta di placa, falta di hende cu por yuda nos den e trabaonan aki, pero esey no mester stroba nos”, Minister Presidente a declara.

E mandatario a anuncia tambe cu gobierno ta trahando riba un Comision special, pa atende cu e tema di violencia domestico na un forma mas efectivo.

Gobierno a institui un Comision special na cual nan a pidi pa bin cu un proposicion prome cu 1 di December, pa tin un plan riba mesa, busca fondo pe y cuminza traha, pasobra no por warda mas.

 

- Advertisement -

DUNA COMENTARIO

Please enter your comment!
Please enter your name here