Home Deporte Den liga femenino di softbal Eagles ta derota Jaguars Vitamin Waters 14-7

Den liga femenino di softbal Eagles ta derota Jaguars Vitamin Waters 14-7

38
0
SHARE
- Advertisement -

ORANJESTAD (AAN)- Den e campeonato Heineken, categoria femenino Liga Flamboyant AA e equipo sub campeon 2017 a enfrenta e fuerte equipo di Carmelita Haynes esta Eagles.

Finalmente Eagles ta reclama nan promer victoria derotando e muchanan di Rayborn Didder esta Jaguars Vitamin Water cu score di 14-7. Eagles 14 careda, 11 hit, 3 error y ta laga 6 cordeor den circulacion. Jaguars 7 careda, 6 hit, 3 error y ta laga 7 coredor na base. Como equipo Eagles a bati di 25-11 bon pa un averahe di 440 mientras Jaguars a bati di 23-6 pa un averahe como team di 261.

Mihor bateadornan pa Eagles a resulta Myah Thompson, Yee Mei Cheong y Yasmine Arrindell tur a bay di 3-2, Millizienne Richardson a bay di 3-3 y Ashmilayne Maduro di 1-1.

Pa Jaguars Vitamin Water a destaca na plato den causa perdi Zulaika Peña 2-1, Jennysela Tromp y Kathleen Emerenciana di 3-1, Suheley Makaai di 3-2. Yee Mei Cheong ta lansa 3 inning y ta seya e victoria riba su nomber ricibiendo relevo di Millizienne Richardson.

Kathleen Emerenciana ta resulta pitcher perdedor. Yee Mei Cheong a tira 42 bola, 50 strike pa un total di 90 lansamento, 4 base por bola, 3 strike outs permitiendo 5 careda. Millizienne Richardson a lansa 14 bola, 24 strike pa un total di 38 pitch, 4 strike outs regalando 1 base por bola.

Kathleen Emerenciana a bay completo lansando 126 lansamento, 57 bola, 69 strike, 4 ponche, 5 base por bola pa un ERA di 15.75. Weganan ta continua mañan Diahuebs cu 4 partido masculino na veldnan na Pos Chiquito mientras Diasabra 6 pm lo tin 2 wega femenino y diadomingo 11 am tambe lo tin 2 wega femenino.

- Advertisement -

DUNA COMENTARIO

Please enter your comment!
Please enter your name here