Home Impuesto Departamento di Impuesto  kier yega na un pago voluntario di impuesto y...

Departamento di Impuesto  kier yega na un pago voluntario di impuesto y no un pago obligatorio

41
0
SHARE
- Advertisement -

Segun Directora:

ORANJESTAD (AAN): — Directora di Departamento di Impuesto (DIMP), Luenne Gomez-Pieters, ta ilustra cu Departamento di Impuesto ta cumpliendo cu e meta nan stipula ora ta trata cobranza di impuesto y pago di restitucion.

Esaki no solamente ta e resultado di e esfuerso di funcionarionan di Departamento di Impuesto, pero tambe di e clientenan cu ta cumpli cu nan deber nan fiscal.

Loke DIMP kier yega na dje, ta un pago voluntario di impuesto y no un pago obligatorio. Naturalmente tin ley vigente cu ta determina kico tin cu sosode na momento cu un cliente no paga of entrega su aangifte manera mester ta, pero kier yega na un sistema caminda e cliente ta tuma su obligacion di impuesto na serio y ta cumpli cu esaki na tempo pa asina evita cobranza nan adicional of boet.

Kier yega na un nivel caminda cu e deber pa cumpli cu e impuesto nan rekeri ta uno di importancia mescos ora ta trata pago di otro gasto nan di operacion.

Den control

Ta importante pa menciona cu inversionnan haci den sistemanan automatisa, ta pone cu e departamento por ta mas den control di “non-compliance”.

Esnan cu no ta cumpli manera mester ta cu e pago di e impuesto ora ta trata por ehempel pago di Loonbelasting, BBO y otro tiponan di belasting cu tin cu wordo entrega tur luna, lo bay hanja di un manera structura un cobranza adicional cu un boet pa e conducta aki.

E cifranan tin biaha ta espantoso ora cu mira cu pa luna tin sigur un 10 mil naheffingen cu lo sali, pa companianan cu no a cumpli cu entregamento di nan aangifte y/of pago di impuesto.

 

- Advertisement -

DUNA COMENTARIO

Please enter your comment!
Please enter your name here