Home Impuesto Departamento di Impuesto ta casi cla cu restitutie di 2014

Departamento di Impuesto ta casi cla cu restitutie di 2014

38
0
SHARE
- Advertisement -

Segun directora Luenne Gomez-Pieters

ORANJESTAD (AAN): Tur hende ta hopi entusiasma pa por entrega nan formulario di inkomstenbelasting y esey ta locual por a ripara dialuna mainta ora cu hopi hende a acudi na e MFA Noord.

Segun Departamento di Impuesto, pareu cu e preparacion aki a bin ta traha hopi duro riba e parti di restitucion. Si tur hende por corda, na 2015 cu Luenne Gomez-Pieters a cuminsa como director, tabata tin un backlog di hopi aña.

A traha riba 2010, 2011, 2012, 2013. Ta casi cla cu 2014. Ta casi 200 mil aangifte cu a wordo procesa den 3 aña y mey y ta hopi, den un team di 12 hende. Practicamente tin 16 mil aangifte pa persona cu ta wordo procesa pa aña.

Ta un tremendo trabao di ekipo cu tin na departamento di impuesto y e clientenan kier ta bij tambe. Cu 2017, ta keda falta e ora tres aña mas, cual ta 2015, 2016 y 2017. Ta premira cu sigui riba e mesun ritmo, pa otro aña Juni y Juli, por anuncia cu nan ta full bij cu e retraso di e restitutie.

Esaki ta e ayudo cu ta duna mas tanto empuhe pa e clientenan entrega nan formulario y pa asina ey DIMP tin tur e aangiftenan den cas pa por cuminsa traha riba e aangifte y e restitucion.

Manera cu keda cla cu 2014, ta premira cu esaki lo ta den luna di September venidero, lo anuncia cu lo cuminsa cu 2015. Ora cu aña bolter lo ta 2016 y 2017 na beurt y pa Juni of Juli lo por ta full cla cu tur aangifte.

No mester lubida cu ta rond di 42 mil aangifte ta saca pa aña pa loke ta inkomstenbelasting. Ta un trabao di masa y e ekipo mes ta entusiasma y kier mira cu nan mes ta den control di nan propio procesonan, segun Luenne Gomez-Pieters.

 

 

 

- Advertisement -

DUNA COMENTARIO

Please enter your comment!
Please enter your name here