Home Salud Depresion ta un problema grandi entre hobennan cu mester vigila

Depresion ta un problema grandi entre hobennan cu mester vigila

23
0
SHARE
650326960
- Advertisement -

Depresion ta un di e principal causanan ultimamente, cu ta conduci na suicidio di hobennan y adolescentenan. Di acuerdo cu e Organizacion Mundial di Salud (OMS), depresion ta afecta mas di 300 miyon di persona na mundo.

Un sicologo, specialista di e tema, ta describi algun di e principal manifestacion di depresion a bisa cu adolescencia ta un etapa di transicion dificil entre infancia y e edad adulto. Den e etapa aki e hoben ta atravesa cambionan fisico, quimicos emocional y mental; e necesidad di pertenencia y e busqueda di identidad ta bira un buscamento constante den nan bida.

E buscamento di un gratificacion mesora y na e poco tolerancia pa frustracion combina cu un sentimiento di incapacidad pa comunica su emocionnan, por propicia pensamentonan suicida. Ta pesey ta recomenda pa ta alerta pa sintomanan cu e hoben por presenta pa asina trate di preveni e tipo di tragedianan aki.

Cansancio y cambio di emocion, entre otro sintomanan, ta algun di e principal manifestacionnan di depresion, cu segun e Organizacion Mundial di Salud (OMS), ta e principal causa mundial di discapacidad. Datonan di OMS ta referi cu E ta cataloga como un trastorno mental cu ta caracteriza pa un tristeza profundo, autoestima abao, perdida di interes pa tur cos y disminucion di funcionnan fisico.

E adolescente ta haya su mes den un etapa hopi importante di su bida, na unda e ta tuma su desicionnan pa futuro sin tin ta madura pe. Cu depresion e por yega na haci cosnan di un manera hopi negativo y ta cause trabao pa imagina cu e problemanan of situacionnan por wordo resolve den un forma positivo.

Depresion por converti den un problema di salud serio, specialmente ora cu e ta dura largo y ta bira dia pa dia mas grave, y cu por causa gran sufricimento y ta altera e actividadnan di trabao, scol, famianan.

Aki tin algun sintomanan:

  1. Falta di higiene personal
  2. Vulnerabilidad pa stress
  3. Cambio di emocionnan
  4. Nada no ta pone sinti placer y disfruta di momentonan di alegria
  5. Ta comunica masha poco cu otro hende
  6. Insomnio, no ta drumi bon.
  7. Tendencia di alcohol y droga
  8. Cansa tur ora
  9. Pensamentonan malo

Loque mester haci pa atende ta:

1 Encurasha e hoben pa e bay un specialista

  1. Pone limitenan y reglanan firme cu e hobennan
  2. Pa tin un comunicacion abierto cu su famia
  3. Wak kico e ta haci cada rato
  4. Pone atencion na su amistadnan
  5. Vigila kico e ta wak riba social media sin ta invasivo.
  6. Hacie sinti su mes util den actividadnan familiar.

Segun OMS, cada aña ta suicida casi 800 mil persona na mundo, y suicidio ta e di dos causa di morto den e grupo di 15 pa 29 aña. Ta pesey mihor nos ta alerta pa preveni.

- Advertisement -

DUNA COMENTARIO

Please enter your comment!
Please enter your name here