Home General Deramento di bultonan di desperdicio no tin consecuencianan negativo pa e suela

Deramento di bultonan di desperdicio no tin consecuencianan negativo pa e suela

20
0
SHARE
- Advertisement -

ORANJESTAD (AAN): Diabierna mainta na Ecogas, Managing Director di e compania Ramsey Halabi a duna un splicacion na prensa, di e proceso cu tin relaciona cu e acuerdo di 6 luna cu tin cu Serlimar, unda cu e desperdicio cu Serlimar ta recoge ta wordo hiba pa wordo procesa na Ecogas, cu despues ta dera bultonan di desperdicio na Seroe Teishi.

Halabi a splica cu for di prome di Juli a cuminza procesa e sushi di Serlimar, despues cu ya caba tabata procesa e desperdicio di Ecotech.

“Pa luna nos ta procesa mas di 5mil tonelada di sushi, unda cu nos tin amplio capacidad pa hasi esaki”.

“Mi tin cu bisa cu e cooperacion ta bayendo hopi bon y eta un proceso hopi mas limpi, facil y eficiente”.

“E trucknan no tin cu core mas riba un ‘landfill’, unda cu  nan por hasi daño na esaki, mientras cu e ta un ambiente mas amicable pa e personanan cu ta deposita sushi”.

Esaki segun Halabi, kende a splica con e sushi ta wordo separa for di otro.

Ora cu e desperdicio yega Ecogas e ta wordo basha riba vloer y eynan e ta wordo pre-separa pa un grua.

E ta wordo carga den e planta y ta wordo tritura na un grandura manehable.

“Despues e proceso di separacion ta cuminza, caminda cu nos ta separa tur cos cu nos no kier den e sushi, esta e hero, aluminium, santo, piedra y material organico”.

“Na final ta keda locual nos ta yama ‘non toxic carbon based material”.

“Esaki ta wordo 80% reduci di volumen den bultonan”.

Esaki segun Halabi, kende a sigui bisa cu e desperdicio pues ta bira 5 biaha mas chikito di locual e tabata na originalmente.

E bultonan ta bay riba un truck cu despues ta bay Seroe Teishi, unda cu Serlimar ta tuma over e proceso di dera y tapa e bultonan.

“E ta un bon proceso pa Aruba, pasobra no tin huma ni muskita”, segun e managing Director di Ecogas, kende a indica cu deramento di e bultonan no ta bay tin ningun consecuencia negativo pa e suela, mirando cu e desperdicio dera eynan no ta toxico.

Diferente test a confirma cu e proceso no ta bay afecta e area negativamente.

 

 

 

- Advertisement -

DUNA COMENTARIO

Please enter your comment!
Please enter your name here