Home Gobierno Dialogo nacional a worde reactiva pa discuti riba entre otro aumento di...

Dialogo nacional a worde reactiva pa discuti riba entre otro aumento di salario minimo

30
0
SHARE
- Advertisement -

ORANJESTAD (AAN): Algun luna pasa minister Glenbert Croes a menciona cu lo bay bin un aumento riba e salario minimo. Awor aki, cu a introduci cierto cambionan manera e crisisheffing, net esnan cu tin salario minimo, ta esnan cu a worde afecta tambe pa motibo di esaki.

Diferente desaroyo, cierto cosnan cu a aumenta, servicionan, cu ta afectando e poder di compra di hopi hende.

Riba esaki Minister Croes a splica cu a dicidi pa reactiva e dialogo nacional tripartidista, unda cu gobierno, sindicato y doñonan di trabao, ta bay delibera riba tur tema laboral, entre otro di e reevaluacion di e leynan laboral cu a introduci na 2013, unda cu a acorda e tempo ey, cu despues di 5 aña lo bay revisa con e implementacion di e leynan ey a tuma luga, pa mira kico por ta a bay fout, cu mester worde coregi of cosnan cu tin cu bay miho.

Un di e temanan ta entre otro e salario minimo. Un otro tema ta uitzendvergunning. Ta varios tema tin. Loke ta importante ta, cu a scoge pa cana un caminda di entendimento nacional pa por logra cualkier meta riba tereno laboral.

Gobierno kier pa na e momento cu ta sea uitzendvergunning, salario minimo y revision di leynan, como tambe ley di ARBO, cu mester worde atendi, pa loke ta Arbeidomstandigheden, cu ta atende cu temanan di salud, siguridad, bienestar di trahado na trabao, cu dado momento e por worde carga pa tur tres partido. Doño di trabao, sindicato y gobierno.

E mandatario a splica cu e tripartite ta bay cuminsa. E temanan ey ta riba agenda pa por acorda ta con ta bay haci’e. No mester haci ningun anuncio prematuro. Lag’e ta e resultado di e entendimento ey.

E minister a subraya cu mirando e desaroyonan cu costo di bida y con e pueblo trahado, cu ta cobra salario minimo, con hopi e ta afecta, e tema di salario minimo, ta un agenda punt urgente pa e dialogo nacional, tripartidista atende. Ta kere cu tin un aumento cu ta necesario sin duda, pero a compromete pa laga e dialogo nacional tripartidista yega na e nivel di loke mester ta e aumento di salario minimo cu tur hende por carga.

A bisa cu e lo bay ta un aumento cu realmente mester brinda un solucion. E aumento no ta bay ta e unico solucion. E ta necesario tambe pa atende e tema di costo di bida, e ley di canasta basico, e ampliacion di e canasta basico, con ta controla e leynan. Pero tambe parti di un di e tareanan nobo di e minister ta, cu e tin e Diensthuur consumentenzaken, bao di dje. E control na tur e negoshinan pa atende na loke ta un consenshi riba loke ta maneho di prijs.

Ki bal bo ta keda hisa bo prijs si un dado momento pueblo no por pag’e mas. Ta papiando di esnan cu ta cobra salario minimo. Imagina esnan cu ta cobra onderstand. Imagina e pensionado. Con nan por biba. Si esun cu salario minimo mes no por biba cu e nivel di costo di bida cu nos tin, imagina esun cu ta cobra onderstand y pensionado. Gobierno tin un tarea pa lanta un consenshi pa mira kico ta bay bira un politica pa brinda nos hendenan un suministro di loke ta cay den e necesidadnan basico pa nos famianan na Aruba no pasa hamber.

Na e momentonan aki, na Aruba tin hende y famianan completo ta pasa hamber. Di Aruba cu nos ta kere aden, esey no por ta.

E minister a splica cu nan tin gana cu prome di Januari di anuncia of introduci loke lo bay bira e salario minimo nobo. E no kier actua prematuro. E ta prefera di ta un rato reserva, pero logra e meta grandi pa haya un entendimento nacional loke mester bira e nivel nobo di e salario minimo, pa realmente yuda e trahado.

E realidad ta cu ora cu manera tambe CBS a duna e nivel di pobreza na Aruba, e minimo cu bo mester pa bo biba na Aruba, ta rond di 2000. Ta di compronde cu un salario minimo di 1700, hopi hende ta den pobreza. Pesey hopi hende ta haciendo dos trabao. Pesey mama y tata di famia ta traha y sa ki consecuencianan cu esey tin pa e muchanan cu ta keda nan so na cas.

 

- Advertisement -

DUNA COMENTARIO

Please enter your comment!
Please enter your name here