Home Impuesto Dialuna 3 di September ta e ultimo dia pa entrega Aangiftebiljet

Dialuna 3 di September ta e ultimo dia pa entrega Aangiftebiljet

73
0
SHARE
- Advertisement -

ORANJESTAD(AAN): Durante e temporada di yenamento di aangifte biljet, Departamento di Impuesto tur aña tin su servicio na comunidad, yudando asina e cliente yena su declaracion di impuesto.

Meverly Romano, vocero di DIMP, a splica cu a saca e durante luna di Juli. Ya prome cu Juli, tabata tin clientenan ta puntra pa nan aangifte di inkomstenbelasting. Tin un grupo grandi di cliente cu ta hopi conciente di e declaracion aki y kico tur nan mester cuminsa colecta pa nan por yena nan formulario.

Cuanto persona ta yuda:

Aña pasa tabata tin e campaña aki durante un siman y a yuda mas of menos 2200 persona. Si bay mas siman, naturalmente a logra yuda mas hopi. Den pasado a yega te na 6000 persona. E ta varia pero ta conta si riba por lo menos 2000 persona cu ta acudi cerca nan pa haya e yudansa aki.

Esey ta algo positivo segun Romano. Nan sa bon con pa yena e formulario of tin hende cu ta yen’e y kier pa djis controla y wak si tur cos ta OK. Nan ta conciente si cu e ta un deber cu nan tin cu cumpli cun’e y p’esey nan ta acudi cerca DIMP. Pesey ta wak’e como algo positivo. No ta pasobra un hende no sa con pa yena un formulario, te ey e ta keda, pone un banda y no worry cun’e. Esaki ta e oportunidad pa acumi cerca DIMP. E personal di DIMP lo yuda e clientenan cu e yenamento aki.

Duracion:

Esaki ta tuma pa cada cliente mas of menos 20 pa 30 minuut pa yuda yena. Tin ora e cliente ta bin cu mas pregunta. Tambe ta purba di yuda mas tanto posibel. Tin ora e cliente ta bin pa controla su declaracion. Kisas e mes a yen’e y e personal ta control’e un rato. E ta varia un poco, pero basicamente idea di e campaña ta, pa yuda e cliente cu e yenamento di e declaracion aki.

Ki momento ta bon pa bay

Segun Romano, e momento mas slow ta durante lunchbreak cu ta entre 12’or pa 2’or di merdia. Ta e momento cu ta bira mas slow, cual ta comprendibel. Tin hende tin cu busca nan yiu na school, etc. Esey ta e momento cu ta bira mas slow. Pero e parti cu ta mas druk, ta parti mainta tempran.

Specialmente tin un grupo cu tur aña ta masha fiel na e campaña, cual for di mainta tempran nan ta acudi. Ta haya esey masha agradabel pa combersa un rato cu e grupo aki y ta yuda nan. Durante dia ta yuda tur otro cliente. E pensionadonan, e personanan cu tin salario, cualkier otro cliente, hasta ultimamente ta haya hopi persona di origen Latino cu ta acudi cerca DIMP pa yuda nan cu e yenamento, pasobra nan tin dificultad pa compronde e Hulandes. Door cu e formulario ta full na Hulandes.

Ta ripara cu e grupo aki tambe ta haci uzo di e campaña cu DIMP ta haci y pesey tambe e ta algo cu apesar cu tin internamente hopi trabao, e no ta algo cu por bisa cu e aña aki no lo bay haci’e. Apesar cu e ta un siman, toch kier yuda e clientenan mas tanto posibel y loke ta mas miho ainda, e ta completamente gratis.

 

- Advertisement -

DUNA COMENTARIO

Please enter your comment!
Please enter your name here