Home Noticia Internacional Diasabra awor tin marcha grandi contra e “Carnet de la Patria” di...

Diasabra awor tin marcha grandi contra e “Carnet de la Patria” di Nicolas Maduro

36
0
SHARE
- Advertisement -

ORANJESTAD (AAN); Informacion for di Caracas ta indica cu e Movimento ProCiudadanos a revela, cu Diasabra awor nan lo tene un marcha cu lo sali di Plaza Brion di Chacaito, cu e meta di manifesta y rechaza e “Carnet de la Patria” cu lo wordo usa como sistema di control pa pueblo haya acceso na servicionan publico.

E coordinador nacional di e organizacion, esta Leocenis Garcia a invita via Twitter, pa hendenan cuminza prepara pa 10:00 am pa protesta contra e medidanan y controlnan cu Gobierno a impone den ultimo dianan.

Di e forma aki ta bay exigi Gobierno di Nicolas Maduro pa nan stop cu e controlnan imponi pa maneha ciudadanonan.  Nan a yega na un punto unda cu net Gobierno cu mester permiti nan libertad, ta bay controla y corta nan movimento, bin cu medidanan cu tey djis pa destrui hende.

E organizadornan no a revela ta ki ruta nan lo tuma, y unda e marcha lo finaliza.  Pero nan a bisa si cu nan lo cana den cayanan di Caracas.  Pa motibo di seguridad, nan lo no revela di antemano cual ruta lo tuma.

 

- Advertisement -

DUNA COMENTARIO

Please enter your comment!
Please enter your name here