Home Impuesto DIMP a inicia campaña di yenamento di aangiftebiljet na MFA Noord

DIMP a inicia campaña di yenamento di aangiftebiljet na MFA Noord

15
0
SHARE
- Advertisement -

ORANJESTAD  (AAN): Tin un gran cantidad grandi di hende cu a duna oido na e yamada di e campaña di Departamento di Impuesto. Dialuna, 27 di Augustus, DIMP a cuminsa cu nan servicio gratis pa e pueblo di Aruba. E bon noticia ta cu tin un cantidad grandi di hende cu a duna oido na e yamada riba e informacion di e campaña cu DIMP a bin cun’e, pa e servicio gratis di yena aangifte di Inkostenbelasting.

Departamento di Impuesto no solamente ta traha pa cobra belasting, pero nan kier yudabo tambe pa evita pa bo paga belasting dimas. Henter siman esaki lo tuma luga.

Meverly Romano, vocero di Departamento di Impuesto, a comenta cu nan a cuminsa cu nan prome dia di nan campaña di ayudo pa loke ta aangifte di inkomstenbelasting di 2017. A compronde cu tin clientenan cu a acudi for di oranan di marduga y nan tur a warda nan turno.

A ripara tambe cu e cantidad di personal cu tabata tin e momento ey no tabata suficiente. Pero a busca mas personal for di Camacuri pa bin yuda na MFA na Noord. Sigur sigur nan kier cumpli cu tur cliente.

Awor aki ta den e proceso pa setup un otro sala, pa asina cumpli cu tur cliente cu ta eynan cu ta en espera pa wordo yuda cu nan declaracion di Inkomstenbelasting. Esaki ta un campaña hopi importante. DIMP lo ta bezig henter e siman. Romano ta recomenda clientenan pa nan acudi libremente. Lo percura pa nan wordo yuda. E tempo di espera ta poco largo, pero ta spera cu durante di dia cu por keda cla cu e multitud.

Pa yuda cada persona ta tarda por lo menos 20 minuut. Diamars, DIMP lo bay ta na MFA na Savaneta. Despues nan ta bay San Nicolas. Diahuebs nan lo ta na Paradera y diabierna nan lo ta na Biblioteca Nacional na Playa.

E cantidad di hende a sorprende nan e biaha aki. Romano kiermen cu na un solo biaha den e mesun momento, ta hopi remarcabel e cantidad di persona cu a acudi. Nan sa haya hopi hende, berdad, pero e biaha aki esaki a surpasa nan expectativa.

E kier a pidi personanan un poco pasenshi. Lo bay trata di yuda personanan di edad mas avansa (60+) mas prome. Ta personanan cu pa nan ta poco mas fastioso pa warda poco largo. A spera un team cu ta bin di Camacuri pa asina por cumpli cu e clientenan. No lo kier pa nan bay sin wordo yuda.

Esaki ta un servicio gratis. DIMP ta haciendo esaki pa basta tempo caba. Ta un oportunidad unico cu e personanan aki ta haya, cu nan por cumpli tambe cu nan declaracion di inkomstenbelasting. Sigur cu esaki ta hopi importante, pasobra pa medio di e declaracion aki, Departamento di Impuesto por haya sa kico ta e entrada real di e persona.

Alabes e persona ta haci uso di su derecho tambe pa declara su gastonan cu ta fiscalmente deducibel. Asina e inspector di impuesto ta stipula e entrada corectamente. A base di un cifra real, caminda cu e persona e ora ta paga e belasting cu e tin cu paga y nada mas, ni nada menos.

 

- Advertisement -

DUNA COMENTARIO

Please enter your comment!
Please enter your name here