Home Gobierno Disgusta y emocional Minister Otmar Oduber a reacciona riba declaracion di Marlon...

Disgusta y emocional Minister Otmar Oduber a reacciona riba declaracion di Marlon Sneek

53
0
SHARE
- Advertisement -

E ta mande bay scol bek pa siña calcula

ORANJESTAD (AAN) – Diahuebs mainta a tuma lugar e conferencia di prensa di Gobierno, cu presencia di Minister di Infrastructura y Medio Ambiente sr. Otmar Oduber, y di Minister di Enseñanza sr. Rudy Lampe.

E dignatario tabata tin dos punto di agenda, un di nan tabata e reunion cu Parlamento den cual el a contesta tur pregunta cu a bin dilanti entorno Serlimar.

E di dos tema ta “Parke Marino” tocante cual el a cuminza delibera dialuna di e siman aki.

Prome cu el a elabora riba su prome tema, el a laga scucha un declaracion graba duna pa e Parlamentario di AVP sr. Marlon Sneek, den cual e ta critica un compania cu ta huur algun machine na gobierno pa procesa sushi na Seroe Tenchi, y cu segun su calculacion e compania aki ta costa gobierno 39 mil florin pa luna cu den seis luna ta “2.4 miyon florin” pa cada un di e machinenan cu sumando dos ta bira 5 miyon florin, y aki ta lastra nomber di un compania local.

Minister Otmar Oduber tabata evidentemente disgusta y el a papia emocional locual e mes a admiti y a mustra cu e ta cansa di insinuacion infunda.

Riba esaki e mandatario a subraya cu esaki ta e politica riba cual pueblo a bira lomba pe na September ultimo.

Minister Otmar Oduber a cuestiona cu un persona manera Marlon Sneek, lider di fraccion di AVP, ta lastra nomber di un compania aki na Aruba, y ademas ta bisa cu e persona ta gana 39 mil florin pa luna, cu ta un contrato pa seis luna y e ta berekening cu 6 biaha 9 ta 2.4 miyon florin, pa colmo siendo un hende cu pa añanan tabata meneer di scol.

Minister Otmar Oduber a expresa cu e ta haya un periodista su tras cu tambe ta carga e 2.4 miyon florin aki, y tambe ta lastra nomber di e comerciante concerni na radio, pasobra e ta bay cobra 5 miyon florin. Minister Oduber a remarca cu e periodista mester bolbe bay scol mescos cu e parlamentario Marlon Sneek pa nan haya sa cu seis biaha 39 mil florin no ta 2.4 miyon florin y sigur no 5 miyon.

E dignatario a expresa cu pa colmo e persona aki no a wordo contrata pa su persona como Minister, pero cu ta trahando for di tempo di gobierno anterior mescos cu tur otro contratista.

El a bisa cu nan por bay cerca ex-minister Sevinger puntre ken e comerciante aki ta. El a reitera cu nomber di e persona aki a wordo lastra na radio Diaranzon, pasobra e periodista a haya gana y e ta asina bobo di conta y purba bende na pueblo 39 mil florin x 6 luna=2.4 miyon.

E mandatario a subraya cu e no sa con pa yama parlamentario Sneek y e periodista sr. Andrade. Segun palabranan di Minister Otmar Oduber, e periodista tabata 7 pa 8 aña largo riba payroll di gobierno anterior.

Minister di Infrastructura kier a bisa sr. Sneek y e periodista cu e no a hinca ni un contratista nobo den Serlimar.

“E cinco contratistanan cu tin den Serlimar awe, ta e mesun cinconan cu tabata tin bao gobierno di Marlon Sneek, bao di e mandato di Benny Sevinger”, e mandatario a enfatiza.

E dignatario a haya cu esaki ta manipulacion y cu nan ta purba crea discordia entre Parlamento y coalicion cu Otmar ta hincando hende, pero nan calcula 39×6 ta 2.4 miyon y como cu tin 2 machine ta 5 miyon florin un persona ta strika manera nan a bisa.

 

- Advertisement -

DUNA COMENTARIO

Please enter your comment!
Please enter your name here